Maruku 16:1 - Ma Jou ai Demo-demo o Totobelohoka

¹ De ipaha o Hiaini ma futuku de o ngo Maria Madalena, de momatengo o ngo Maria gea to Yakobusu ngoi meme, de o ngo Salome, ona yaruange yomakiniiki yoija o minya abe ma bounu duru ma hohailoa. Abe ma ngofeka yaruange gea ato yoiki o Yesusu ai lungunika la ai honenguku iwihituagi abe hoka manga biaha yotobadiai o nyawa manga honengika.

Maruku 16:1 ပူးပေါင်းရင်းမြစ်များ

Dodadi 50:2

De ipaha de wohiaturu la o Yakubu ai behehongo waniiki abe kiani iwilungunu o Makapela ma aruku ma goronaka abe o Kanani ma tonakoka. Ho ai baba ai honenge wohidoaka ai duduhunika abe yososawaro o nyawa manga honenge yotobahidiai la ufa yowedere. Onangika wahuloko la ai baba iwihidiai ai honenge la ko wowederua.

Maruku 14:3

De ahao o Betania ma kapongoka de o Yesusu naga wolomo o Simono ai tauoka abe ma dihira iwipado-pado. De ka wogogerohi ma mejaka o Yesusu de naga o ngofeka momatengo moboa Unangino de muna gea maoino moi o boto abe o hakaruino yodiai. De ma boto gea ma dola o minya abe ma bounu duru ihailoa, de abe ko asapuruahi ho duru kohahali. De ma boto gea ma tomara mapomaioka de ahao mihituagi o Yesusu ai peauku de ma minya gea.

Maruku 14:8

O ngofeka naa modiaioka abe gea makunu modiai, abe mohituagioka ahi badangino. Ngaro ko ihilungunuahi masara muna moboa la mato ahi badanga mohidiaioka abe hoka imakiniiki de to ngone nanga biaha ma titi o honenge.

Maruku 15:40

De o ngo-ngofekaoo yamuruono naga genangoka ma hatoli yokurutika de iwilega-lega o Yesusu ma oraha gea iwihohonenge. De naga manga doomuoka gea o ngo Maria Madalena de naga o ngo Maria abe to Yakobusu ai dodipokouku de to Yosese manga meme, de momatengoli naga o ngo Salome.

Maruku 15:42

De angamoi itebini de o Hiaini ma wange adonoka ho de ma wange ilobioka de o Yahudi ma nyawa kiani yomahidiaioka.

Maruku 15:47

De naga o ngo Maria Madalena de nagali o ngo Maria abe to Yosese ngoi meme, abe ona gea yahinooto yalega-lega ho ihioriki o kiaka o Yesusu iwikelenga.

Maruku 16:2

De ma dawangeino abe o Gareja ma wange, abe ma wange ahao ipotokaiha de ona yaruange yosoboka ato ai lungunika yoiki.

Maruku 16:8

De o ngo-ngofeka gea ma lungunino yohupu de yolio de duru yomapopaata angamoi duru yokokihawanoka hiadono yolilifanga. De ona abe manga dodagi ma goronaka de yomakamake, ona gea ko yahingahua ma titi manga hawana ma amoko gea.

Lukasa 23:54

De abe ma oraha wikelengauku o Yesusu ai honenge doka o lungunu ma goronaka, gea o Jumati ma wange ma bobimaowaka, abe gea ihiromanga o Hidiai ma wange angamoi duru ko itedekanokaua de o Hiaini ma wange adonoka. Ho gea kiani yomahidiaiohi la ma oraha ma wange itumuniha de ko yokarajaangokauahi ho ka yomahiaini dika.

Lukasa 23:56

De ipaha de o ngo-ngofeka gea yolio de ihidiaiohi o minya abe ma bounu duru ihailoa de o muuru la ahao ka idadi ihiehe ai honengika. Masara gea ihidiai ibooto de o wange itumunoka la o Hiaini ma wange adonoka, ho ona yomahiaini dika la ka idadi yaniiki manga pareta.

Lukasa 24:1

De o Hiaini ma wange ipahaino de duru o ngoru-ngorumino abe o Gareja ma wangeoka de o ngo-ngofeka gea yoiki ai lungunika de naga yao ma minya de ma muuru gea abe ma futu hinootohi ihidiaiukuoka.

Yohanese 19:25

De naga o Yesusu ai gota ma datekoka yomaokoino o Yesusu ngoi meme, de to muna ngomi ria-dodoto momatengo, de o ngo Maria abe o Kelopasa ngoi fekata, de o ngo Maria Madalena.

Yohanese 19:31

De gea o Hidiai ma wange abe itebini o Yahudi ma nyawa manga Hiaini ma wange ho kiani yomahidiaiohi. De o Hiaini ma wange gea ihiromanga o wange ma amoko angamoi duru adaene o Totilakuru ma rame-rame. Ho mangale gea naga manga dimo-dimono yoiki o Pilatusika de yogahoko ato, “Mia baluhu, itebini mihiromanga o Wange ma Debi-debini. Ho ngomi naa miboa migahoko la ona gea ufa hiadono manga honenge ka nagahi ma gotaka o Wange ma Debi-debinoka. Ho duru migahoko la ona o gotaka gea nohuloko la manga lou akokipoha la manga kobongo ikokitobikoka la itaiti yohonenge. Hokogea kiani nohiaturu la manga honenge ka idadi o wange naa dika de ihikokigutioka.”