Maruku 15:34 - Ma Jou ai Demo-demo o Totobelohoka

³⁴ De adonoka o takoro hange de duru ma oraha gea o Yesusu wopoaka de ai ilingi duru kohaamokiye wato, “Eloi, Eloi, lema sabatani!” Abe ai demo gea ma titi, “Ahi Jou, ahi Jou, adodoa ho nohinoaika Ngohi?”

Maruku 15:34 ပူးပေါင်းရင်းမြစ်များ

Higiriiri 22:1

Ahi Jou, ahi Jou, adodoa ho nohinoaika ngohi? Ngohi ahi gururihi ma goronaka de o duduhunu tomagahoko Ngonaino, Adodoa ho ahi gogahoko hokogea de o duduhunu ko tamakeua? Adodoa ho Ngona ko nohigihenua, hoka nomatingaka ma gurutika?

Matiusu 27:45

De o wange ikorona abe o takoro ngimoi de hinooto de o tonaka gea mata-mataika duru ifufutu hiadono o wange ikumurukiha abe o takoro hangeino.

Matiusu 27:46

De adonoka o takoro hange de duru ma oraha gea o Yesusu wopoaka de ai ilingi duru kohaamokiye wato, “Eli, Eli, lema sabatani!” Abe ai demo gea ma titi, “Ahi Jou, ahi Jou, adodoa ho ka nohinoaika dika Ngohi?”

Maruku 15:25

De ma oraha o Yesusu iwihidapaku ahao o takoro hiwo abe o wange ko ikoronauahi.

Maruku 15:35

De naga o nyawa yamuruono naga abe ai demo gea yoihene ihowono de yomakoketemo ato, “Abeika, niihene, Una wiahoko o Elia!”

Lukasa 23:44

De o wange ikorona abe o takoro ngimoi de hinooto de o tonaka gea mata-mataika atamunuku de o fufutu hiadono o wange ikumurukiha abe o takoro hangeino,

Lukasa 23:46

De ma oraha gea de o Yesusu wopoaka waamo-amokiye wato, “Baba, naa Ngohi tomahidoaka ahi womaha la tonihitagongo to Ngona ani giama ma hoatika.” De hokogea wopoaka ibooto de gea ai ngomaha itoakoka.

Hidingoto 10:3

Ho o wange moiuku abe ngade-ngade o takoro hange o bimaowaka de una wamake o himatoko moi abe Ma Jou ai malaekata womatengo naga woboa unangino. De ma malaekata gea wiahoko unangika wato, “Koroneliusu!”

Ibarani 5:7

De nako ma dihiraino ma oraha o Yesusu nagahi o dunia ma lokuokahi de Una naga de ai roehokahi abe imaketero hoka ngoneoli, de ma oraha gea Una duru womaniata de o duduhunu womatobagahoko ai Babaiye, abe womaniata de ai ilingi ma amokiye de nagali ai koongo itifa. De abe womagahoko o duduhunu ai Babaiye de gea ai Baba tanu ka idadi widuhunu la ngaro ufa dika de ai Ngofaka wohonenge. De mangale ma titi o Yesusu womahitipokouku de wihoromati ai Babaika, ho ai Baba wigihene de wopaluhu ai niniata ma demoika de widuhunu Unangika.