Maruku 15:26 - Ma Jou ai Demo-demo o Totobelohoka

²⁶ De dakea o gota isosalioainoka naga atulihika o hingahu ma demo. De tanu ma demoino de yahingahu manga howono o kia naga la hiadono ato yahohonenge, masara to Yesusu itemo ato, “O YAHUDI MA NYAWA MANGA KOANO.”

Maruku 15:26 ပူးပေါင်းရင်းမြစ်များ

Higiriiri 2:6

De Ma Jou o Yawe wahingahu-ngahu wato, “Naga womatengo o koano, Una ma koano abe tomahitongohioka, de Una naga o Yerusaleemoka, Ngohi tihigogere ahi loku ma debi-debinoka gea.” Hokogea Ma Jou womaputuhu de wahingahuoka.

Sosawaro 21:1

Ma koano ai hininga tanu imanoa Ma Jou o Yawe ai giama ma hoatoka, abe gea imaketero hoka Ma Jou wahidumutu o akere ma dodagi la ma dumutu imakiniiki de to Una ai hininga, hokogenangoo Una wahihira-hira ma koano ai hininga la ufa irehene Ma Jou ai hiningaka de aino.

Matiusu 27:37

De dakea o gota isosalioainoka de naga ma dulihi o hingahu ma demo abe tanu yahingahu o nyawaika ma titi o nyawa gea manga howono o kia naga la hiadono o hohonenge yadaene. Masara abe to Yesusu ai lokuiye itemo ato, “NAA O YESUSU, O YAHUDI MA NYAWA MANGA KOANO.”

Maruku 15:2

De iwihiadonika o Pilatusoka de ahao o Pilatusu wileha o Yesusika wato, “Sarakia, Ngona naa igoungu o Yahudioka manga koano?” De wipaluhu wato, “Abe ngona ma hirete nohihiromanga hokogea.”

Maruku 15:27

De naga o nyawa ma dorou yahinooto o Yesusu ai arihonongaka de onangoo yahidapakuika ma manga gota yahiketehimomoi. De ona gea yahidapakuika de ahao o Yesusu manga hidogoronaka.

Maruku 15:32

De ka iwimia-miakali ato, “Ei, Mesia, o Isiraeloka nanga Koano, abeika nouti nenanguku o gota isosalioauku la gea minimake abe Ngona noutioka de ahao miningaku.” De ona yahinooto abe yahidapakuika ai arihonongaka onangoo iwihohedu Unangika.