Maruku 15:16 - Ma Jou ai Demo-demo o Totobelohoka

¹⁶ De ahao o Roma ma tentara o Yesusu iwiaoika o Pilatusu ai tau ma goronaika de genangoka manga dodiawo mata-mata yakokiahokino abe o tentara o doomu moi.

Maruku 15:16 ပူးပေါင်းရင်းမြစ်များ

Matiusu 26:3

De ma wangeoka gea de naga o Yahudi ma nyawa manga hohidimono yomatoomuino o Kayafasa ai tauoka, abe una gea manga hidemo Ma Jouiye ma hibaluhu wokokurutiye. De naga genangoka to ona manga hidemo Ma Jouiye yokokurutiye yamuruono naga de nagali manga hohidimono utuoli yomakokitoomuino.

Maruku 15:17

De ahao moi o baju ma wuu-wuu duru ma rorahai abe manga biaha o kokoano yomahinoa-noa de ena gea iwihinoauku o Yesusuku de iwimia-mia ato, “Naa ani baju, koano!” De ahao aleino o gumi-gumini de ma hihikaka de agale-galeino de iwihinoauku ai peauku de iwimia-miali ato, “Ani koano ma sapeo naa minihinoauku!”

Yohanese 18:28

Ho ka de o Yahudi ma nyawa manga hohidimono yaputuhoka ato o Yesusu wahowonoka de ona duru o ngoru-ngorumino iwiao manga gubernuurika abe una o Romaino de ai romanga o Pilatusu. Ho yomahiadonoka o tauika abe o Pilatusu naga genangoka ma ko yogila-gilaua yowohama angamoi ona ato done yatilakuru manga agama ma bohono hiadono yahowonoka Ma Jouika. Abe nako hokogea yahowonoka de ko idadiokaua o Totilakuru ma inomo yaolomo.

Yohanese 18:33

Ho ka de ona yotemo hokogea de o Pilatusu wowohamoka ma tauika gea de ahao o Yesusu wibehehongo. Ho o Yesusu ahao woboa o Pilatusika de o Pilatusu wileha Unangika wato, “Igoungu, Ngona o Yahudi ma nyawa manga koano?”

Yohanese 19:2

De gea o Roma manga tentara iwipoha ibooto de ahao o gumi-gumini abe de ma hihikaka agale-galeino la iwihinoauku ai peauku. Ho ma gumi-guminino gea yodiai hoka o kokoano manga sapeo. De ahao iwihinoaukuoli o baju moi ma wuu-wuu la ato iwihidadi hoka o koanoli ai rupa.

Yohanese 19:9

Ho wowohamokali ai tau ma goronaika gea de wileha o Yesusika wato, “Ngona naa o kiaino?” Masara o Yesusu ko wopaluhua.

Hidingoto 10:1

De o Kaisarea ma kapongoka naga womatengo o Roma ma tentara manga haeke abe ai romanga o Koroneliusu. De una wahipareta o tentara abe manga doomu ihiromanga ato o Italia ma tonakoka ma doomu.