Maruku 14:68 - Ma Jou ai Demo-demo o Totobelohoka

⁶⁸ Masara o Peturusu ka womahipongono wato, “Ngohi marai ani demo ikuranga tataoko ma titi, iya, tanu duru ko tomangaratiiua ani demo gea.” De ahao o Peturusu womatitokika o loa ma ngoranoka. [De ma oraha gea de o kuru-kuru ataili.]

Maruku 14:68 ပူးပေါင်းရင်းမြစ်များ

Maruku 14:54

De o Peturusu una wihidoo-doduru o Yesusu. De hokogea wihidoduru ka hiadono o tau gea ma loaino womahiadono. De ma loaka gea naga manga huhuloko yamuruono naga abe yomaraukika manga ukuoka de o Peturusu waika de womahisapurika de manga huhuloko gea, ho unangoo naga manga datekoka womaraukika.

Maruku 14:69

De ahao o ngofeka gea mimakeokali o Peturusu ma ngoranoka de onangikali abe yomatoomuino genangoka de mahingahu mato, “Una naa maraioka to ona manga doomuino.”

Maruku 14:70

Masara una ka womahipongonohi wato, “Koua, ko ngohiua!” De ipahaino de ona yomatoo-toomuino genangoka onangoo iwitemo ato, “Temoua ngonaoo to ona manga dodiawo, angamoi igoungu ngonaoo o Galilea ma nyawa!”

Maruku 14:72

Ka de o Peturusu wotemo ibooto de o kuru-kuru atailoli ho gea ataili ma hinooto ibooto. De o Yesusu ai demo unangika kangano gea wohininga abe o Yesusu wotemoka wato, “O futu naa dika de o kuru-kuru ataili ahao ma hinooto de ngona naa nohioluku ma hangeou.” De gea o Peturusu ai hininga duru ihuha hiadono woari ho iwihowo-howo.