Maruku 14:54 - Ma Jou ai Demo-demo o Totobelohoka

⁵⁴ De o Peturusu una wihidoo-doduru o Yesusu. De hokogea wihidoduru ka hiadono o tau gea ma loaino womahiadono. De ma loaka gea naga manga huhuloko yamuruono naga abe yomaraukika manga ukuoka de o Peturusu waika de womahisapurika de manga huhuloko gea, ho unangoo naga manga datekoka womaraukika.

Maruku 14:54 ပူးပေါင်းရင်းမြစ်များ

1 Kokoano 19:13

Ka de o Elia woihene o ilingi gea de ai himanga watatoko de ai baju de wohupu o arukino de womahigokoino o aruku ma bionoka. De o Elia ma ilingi woihenoli itemo, ato, “Elia, ngona nododoa noboaino nenangoka?”

1 Kokoano 19:9

De o lokuoka gea naga o aruku moi de genangika o Elia wowohama de womaidu o futu gea o aruku ma goronaka. Masara Ma Jou o Yawe wileha o Eliaika, wato, “Elia, ngona nenangoka nododoa?”

Matiusu 26:3

De ma wangeoka gea de naga o Yahudi ma nyawa manga hohidimono yomatoomuino o Kayafasa ai tauoka, abe una gea manga hidemo Ma Jouiye ma hibaluhu wokokurutiye. De naga genangoka to ona manga hidemo Ma Jouiye yokokurutiye yamuruono naga de nagali manga hohidimono utuoli yomakokitoomuino.

Matiusu 26:58

De o Peturusu una wihidoo-doduru o Yesusu ai poretino. De hokogea wihidoo-doduru ka hiadono o tau gea ma loaino womahiadono. De ma loaka gea naga manga huhuloko yamuruono naga yogogerukuoka, ho o Peturusu waika de womahisapurika de manga huhuloko gea la wato woihene de wohioriki abe hokokia idadi o Yesusika.

Maruku 14:38

De ahao o Yesusu wahibehehongoli onangika wato, “Ngini kiani niwangoro de nimaniata Ma Jouiye la ufa ma dorou inihiatara de niahowono Unangika. Igoungu, nia hininga ka yomodeke masara nia badanga ko apoaua.”

Maruku 14:66

De ma oraha o Yesusu iwiurusu ma gogiriaka de o Peturusu nagahi o tau ma loakahi, abe womaraukohi ma ukuoka. De ipaha de naga momatengo mitilakuru, abe muna gea ngoi huhuloko abe manga hidemo ma nyawa Ma Jouiye manga baluhu wokokurutiye.

Lukasa 22:44

De to Una ai hininga duru ihuhaholi, ho utuohi womaribuutu la womaniatoli de ai hininga ma gahumu. De hokogea ma amoko ai huha hiadono ai gahauku ihupu ai badangino de gea ma rupa o awunu abe itubukuku ai badangoka de dau ma tonakuku.]

Lukasa 22:54

De ahao ona iwitaokino o Yesusu de iwiao manga hidemo Ma Jouiye manga hidimono wokokurutiye ai tauika. De o Peturusu una wihidoo-doduru o Yesusu.

Yohanese 18:18

De duru imaata o futu gea ho naga o uku yomadauliye o tau ma loaka gea abe o nyawa yomarau-raukika genangoka. De naga yomarauku o ukuika o Yahudi ma nyawa manga dimo-dimono de yamuruono naga abe yoleleani o tauoka gea. De o Peturusoo womahisapurika onangoka ho unangoo womaraukika.

Yohanese 18:25

De abe ma oraha o Kayafasa unangoo wileha o Yesusika de o Peturusu naga womaraukikahi o ukuoka gea. De genangoka naga o nyawa iwileha unangika ato, “Igoungu ngona eko ko ngonaua abe biaha de ani dodiawo ngini niwinii-niiki o Yesusu gea?” De o Peturusu woluku womahingahu ho wopaluhu wato, “Ko ngohiua.”

1 Samuele 13:7

De manga ngoe yoara o Yorodani ma akerika de yomahihora doka ma honongaika de yogila-gila o Gaada ma nyawa de o Gileada ma nyawa manga tonakika. Masara manga koano o Saulu ko woarua, una de ai tentara abe ko yoarua yomanoa manga ngioka o Gigaloka masara ai tentara ma hou gea manga hawana yahifafara.