Maruku 14:10 - Ma Jou ai Demo-demo o Totobelohoka

¹⁰ De ipaha o Yudasa Isikarioto, abe una yangimoi de yahinootoino, una woiki onangika abe o hidemo ma nyawa Ma Jouiye manga hohidimono. Woiki onangika de wahingahu wato, “Ahao o Yesusu ka idadi tihidoaka nginika.”

Maruku 14:10 ပူးပေါင်းရင်းမြစ်များ

Higiriiri 41:9

Abeika ahi dodiawo abe duru tidodiawo itiai unangika, Una o dodiawo abe duru tingaku unangika, De ngaro ngohi ahi roti tihikodoku unangika, Masara una ma oraha naa wohiolukoka ngohi.

Matiusu 10:4

De nagahi o Simono abe una o Seloto ma doomuino ma nyawa, de naga o Yudasa Isikarioto, abe una gea ahao wihidoaka o Yesusu o nyawaika la iwitoma. De hokogea to ona yangimoi de yahinooto manga roma-romanga abe o Yesusu wahidingoto la o Abari ma Rorahai yahingahu-ngahu o Yahudi ma nyawaika.

Maruku 14:11

De o Yudasa ai hidee wahitararono ibooto de ona duru yosanangioka de iwihibehehongo ato, “Iya, hokogea misanangi ani demoika. De ahao ka idadi o tiwi minihidoaka ngonaika.” Gea yomahiketehibehehongo ibooto de o Yudasa womulaenge o ngekomo womalingiri la ka idadi o Yesusu wihidoaka onangika.

Maruku 3:19

De womatengoli o Yudasa Isikarioto, una gea abe ahao wihidoaka o Yesusu o nyawaika abe iwihidee la iwitoma. Hokogea ona yangimoi de yahinooto manga roma-romanga abe o Yesusu wairiki la yodadi ai hidingoto ma nyawa.

Yohanese 13:2

Ho ifufutuku de yolomo de naga Unangoka ona abe o Yesusu iwitobaniiki yangimoi de yahinooto. Masara hokokanganoinohi de o Ibilihi idiaiokau hiadono o Yudasa, abe ai baba o Simono de ai fam Isikarioto, una doka ai hiningaka womatemo wato, “Ngohi ka idadi o Yesusu tifukunu.”

Yohanese 13:30

Ho ka de o Yudasa ma roti gea wodafongo ibooto de wosoboka. Gea o futu-futu de wohupu o tauino gea.