Maruku 13:36 - Ma Jou ai Demo-demo o Totobelohoka

³⁶ Ho iti ufa inikiookoka o howonika de ka itodokanino de woboa de winimake nia giooko ma goronaka.

Maruku 13:36 ပူးပေါင်းရင်းမြစ်များ

Yesaya 56:10

Angamoi Ngohi o Yawe ahi nyawa manga hohidimono abe yodadioka to ona manga gogoana, ma hohidimono gea yorafi-rafioka ho ko yamaokaua o bodito iboaino. Ona gea yomaketero hoka o kaho imou-mouoka ho duru ko iroa-roangua. Ona yosanangi yomaidu-idu dika hiadono yakiookoka de yotobabuluhara.

Matiusu 25:5

De ona mata-mata iwidodamaa una woila-ilaka masara una wokapaanga woboaino, ho ona yangimoi yomakokiiduoka de yakokiookoka.”

Maruku 14:37

De womaniata ibooto de ahao wolio ai dodiawoika. De waika de wamake ona yomakokiiduoka de yakokiookoka. De watumomiki de o Peturusika witaere wato, “Simono, inikiookokau. Mode adodoa ho ko napoaua nomagoana ka o takoro moiino dika ma dekana?”

Maruku 14:40

De wolioli onangika de ka wamake yomakokiiduokali angamoi duru yakiookohi. Ho watumomikoli masara ona duru ko ihiorikua abe hokokia yotemo o Yesusika.

Lukasa 21:34

“De naa Ngohi tinihitiarioli la ka ihikaika nimagoana done nia hininga irehene Ma Jouoka de aino ma titi o rame-rame ma daluku inihipareta eko o dunia naa ma perelu nihitihira nia wowangoka. Angamoi done Ma Jou ai hohowono ma wange adonoka de ko nimahidiaiua ho duru initodokana nia hiningaka. De ufa hiadono inihidiliko ma hohowonoka angamoi ko nimagoanua ho ko nimahidiaiua ma oraha iboaino ai hohowono. Angamoi ai hohowono gea ahao yakokidaene o nyawa mata-mata o dunia ma lokuoka.

Lukasa 22:45

De womaniata ibooto de womaokoino de wagilio abe iwinii-niikika, de waika de wamake ona yakokikiookoka ma titi onangoo naga de manga hininga ma huha hiadono manga giooko yahikalaka.

Efesusu 5:14

De gea imakiniiki de o demo ma dulu moi abe itemo ato, “De ngini abe nia giooko ma goronakahi de gea kiani nimomikiye! De abe ngini nihonengoka kiani ngini nimomikiye nia honengino! La gea ka idadi o Kristusu ai dararono inihitawange nginika.” Hokogea o demo ma dulu. Ho gea ma titi hiadono ngini nia wowangoka kiani o dawange ma wowango nimaaduru.