Maruku 13:3 - Ma Jou ai Demo-demo o Totobelohoka

³ De wotemo ibooto de yogila-gila yohupu o Yerusaleemino de youtiuku ma dolaka, de ahao yodoali de yomahiadono o Saitunu ma lokuiye. De genangoka wogogeruku o Yesusu de wamake Ma Jou ai Tau doka ma dola ma honongaka. De o Peturusu, o Yakobusu, o Yohanese, de o Andareasa yaino Unangino la yamotoa dika de ahao iwileha ato,

Maruku 13:3 ပူးပေါင်းရင်းမြစ်များ

Matiusu 13:10

De ahao ona iwitobanii-niiki yomahitigi Unangika de iwileha ato, “Ma titi o kia hiadono ma oraha Ngona nadotoko o nyawaika de ka ihikaika napake o hiketeroino ma ade-ade?”

Matiusu 13:36

De ipahaino de o Yesusu wadotoko ibooto o nyawa ko manga ngoeika gea ho Una de abe iwitobanii-niiki ona yokokiwohama ma tau ma goronaika. De genangika yowohamoka de ona iwinii-niiki yomagahoko o Yesusika ato, “Mia Baluhu, marai ngomi migahoko la Ngona nomihitararono ngomino ma hiketero kangano ma titi. Abe ma hiketero ma goronaka de notemo nato womatengo ai redioka de naga o ruruubu duru kohangoe. Gea ena done ma titi o kia?”

Matiusu 17:1

De o wange butaanga ipahaika de o Yesusu wao o Peturusu de o Yakobusu de o Yohanese abe to Yakobusu ai dodoto, de ona yaruange gea wao de wahihira-hira la yodoa daku o loku kohagurutiye.

Matiusu 21:1

De ipaha de o Yesusu de ona yomakokutuono yoiki de de Una yomahiadonoka o Saitunu ma lokuika, abe imahikitigino de o Betefage ma kapongo. De gea yomahitigikaka o Yerusaleeme ma kotaika. De genangoka, o Saitunu ma lokuoka de o Yesusu wairiki yahinooto iwinii-niikino de wahidingoto doka o kapongika gea.

Matiusu 24:3

De o Yesusu wotemo ibooto de yogila-gila yohupu o Yerusaleemino de youtiuku o dolaka, de ahao yodoali de yomahiadono o Saitunu ma lokuiye. De genangoka wogogeruku o Yesusu de iwinii-niiki yoboaino Unangino la ka ona dika genangoka de ahao iwileha ato, “Mia Baluhu, abe kangano Ngona notemoka nato Ma Jou ai Tau gea ahao ikilianga, gea ma titi o kia? Ho done ka muruonoka de ahao idadi Ma Jou ai Tauika gea? De ma dodunguu o kia abe ahao idadi la miamake de genangino mihioriki abe itigioka Ngona noboali de ka idadi mihiorikoo abe ma oraha ma bobaha adonoka? Ho abeika nomihingahu ma titi gea.”

Maruku 10:35

De ahao o Yakobusu de ai dodoto o Yohanese, abe to Sebedeusu ai ngofa-ngofaka, ona yahinooto yoiki o Yesusika de yotemo ato, “Mia Guru, naga moi miato mimagahoko Ngonaika. Ho o kia dika ma nomihidoaka dika.”

Maruku 13:4

“Mia Guru, abe kangano Ngona notemoka nato Ma Jou ai Tau gea duru ikokikiliangoka, gea ma titi o kia? Muruonoka de ahao idadi Ma Jou ai Tauika? De ma dodunguu o kia abe ahao idadi la miamake de genangino mihioriki abe itigioka ma karusaka gea?”

Maruku 14:33

De o Yesusu wao o Peturusu, de o Yakobusu, de o Yohanese la yomakiniiki de de Una. De yomahiadonika dokenangika de o Yesusu duru ai hininga ihuha hiadono ko womahimakeokaua ai hininga.

Maruku 4:34

De ai dodotoko ko moiua de ko wohiketeroua. Duru o hiketero dika wapake. Masara nako Una de iwitobanii-niiki dika naga, gea ahao wahitararono onangika abe o hiketero ma titi mata-mata.

Maruku 5:37

Witemo ipaha de wogila-gila o Yairusu ai tauika, masara ona yowoe-woe ko wahigunoaua iwiniiki. Abe iwiniiki gea naga yaruange dika, abe o Peturusu, de o Yakobusu, de o Yohanese o Yakobusu ai dodoto gea, ona yaruange dika iwiniiki.

Maruku 9:2

De o wange butaanga ipahaika de ahao o Yesusu wao o Peturusu, de o Yakobusu, de o Yohanese, la ona yaruata gea yomakiniiki. De o Yesusu wahihira-hira la yodoa o loku kohagurutiye, de ka ona dika naga dakenangoka. Ho yomahiadonoka genangiye de ahao o Yesusu ai rupa idadi o fara moioli manga himangoka.