Maruku 13:12 - Ma Jou ai Demo-demo o Totobelohoka

¹² “De ma oraha gea nagali ahao idadi abe o nyawa manga ngoe manga tau-tauoka, ngaro yomahitaumoi ma, abe utu ko ihingakua yamusu abe ona ihingaku-ngakuika. Abe hoka o ria-dodoto yahinooto de womatengo abe ko wohingakua wikalaki ai ria-dodoto abe wohingakuoka Ngohino la o nyawa iwitoma. De hokogenangoli idadi abe hoka o ngofaka womatengo wohingaku masara ahao ai baba wihidoaka o nyawaika. De nagali o ngofa-ngofaka utuoli abe ko ihingakua de ahao yalawa-lawana manga meme de manga babaika abe ihingaku-ngakuoka de ka hiadono o nyawa yatoma manga dimono gea.

Maruku 13:12 ပူးပေါင်းရင်းမြစ်များ

Matiusu 10:21

De o Yesusu wogila-gila wato, “De nagaoo ahao idadi hokonaa, abe ngaro o nyawa yomahitaumoi ma, abe utu ko ihingakua Ngohino ho yamusu abe ona ihingaku-ngakuoka. Hoka abe naga o ria-dodoto yahinooto de womatengo abe ko wohingakua wikalaki ai ria-dodoto abe wohingakuoka Ngohino la o nyawa iwitoma. De hokogenangoli idadi abe naga o baba womatengo de wihidoaka ai ngofaka abe wingakuoka o nyawaika. De nagali o ngofa-ngofaka utuoli abe ko ihingakua de ahao yalawa-lawana manga meme de manga babaika abe ona ihingaku-ngakuoka Ngohino. De gea ka hiadono yakalaki ma titi manga dimono ho ma bahauku de o nyawa yatoma manga dimono gea.”

Matiusu 24:10

De ma oraha gea o nyawa manga ngoe ahao ihiporete Ngohi, de naga ahi nyawa utu abe manga gogianongoru yahidoaka o nyawaika la yahikangela onangika. De ma oraha gea ahao o nyawa manga ngoe yomakodohata ona de manga dodiawo.”

Maruku 13:11

“De ahao nako initaokoka de inihidoakika yotobauru-urusika, gea ngaro ufa nihawana de nimatemo niato, ‘Adoo, ka o kia de ahao totemo onangika?’ Gea koua, masara ma oraha adonoka de o kia dika ipudaiye nia hiningaiye, gea nitemo dika, angamoi gea tanu ko nginiua nitemo, masara gea Ma Jou o Womaha wotemo de wapake nia uruino.”

Maruku 13:13

De ngini ahao o nyawa mata-mataika ka inidoha-dohatika ngini ma titi nidadioka to Ngohi ahi nyawa, masara onagona dika yomatotongohono hiadono o dunia ma bobahaika, ona gea ahao Ma Jou wahihohe manga kangelaino.”

Lukasa 21:16

“De nagaoo ahao idadi hokonaa ngini utuika, abe ngaro nimahitau moi eko nimaketedodiawo masara ko nimaketehiningamoiua. Ho ahao idadi abe nia dimono eko nia ria-dodoto eko nia dutu adaene eko nia dodiawo de ona inihidoaka o nyawaika la iniurusu, de ngini utu ma bahauku de inihohonenge.