Maruku 12:25 - Ma Jou ai Demo-demo o Totobelohoka

²⁵ Ho ihira-hira marai tinihitararono abe ahao ma oraha yohone-honengoka yokokimomikiye. Angamoi ma oraha gea de o nyawa ko yoilakokaua. Abe ma oraha gea ona ngade-ngade yomaketero de Ma Jou ai momalaekata o Horogaka abe onangoo ko yoila-ilakua.

Maruku 12:25 ပူးပေါင်းရင်းမြစ်များ

Matiusu 22:30

Ho ihira-hira marai tinihitararono abe ona yohone-honengoka ahao hokokia ma oraha yokokimomikiye. Angamoi ma oraha gea de o nyawa ko yoilakokaua. Abe ma oraha gea ona ngade-ngade yomaketero de Ma Jou ai momalaekata o Horogaka abe onangoo ko yoila-ilakua.”

Maruku 12:24

De o Yesusu wapaluhu onangika wato, “Iya, marai naga abe duru niataoko ihowono! Nako ngini niafikiri niato o nyawa yohonengoka ko yomomikokaua, gea ma titi Ma Jou ai Demo-demo ikuranga nimangaratii, de ngaro Ma Jou ai kuaha ma enangoo ko niataokuahi.

Maruku 12:26

De abe ma titi ona yohonengoka de yomomiki, mode ngini ko nibasauahi o Musa ai bukuoka abe inahingahu ma titi gea? Abe ai bukuoka de inahingahu ma titi Ma Jou naga o gota ma eteteke itoka-tokaroka de witemo o Musaika hokonaa, wato, ‘Abe ani totofora o Abarahaama de o Isaka de o Yakubu, ona gea ka ihihigiriiriohi Ngohino angamoi Ngohi naa to ona manga Jou.’ Hokogea Ma Jou wotemo. Ho abeika naa niafikiri, abe ma oraha gea Ma Jou witemo o Musaika, gea ona yaruange manga badanga yokokihonengoka, eko sarakia? Masara Ma Jou ka wotemohi wato, ‘Ona gea ka ihihigiriiriohi Ngohino.’ Ho abeika, nako ka manga honenge dika, done sarakia de iwihigiriiriohi Ma Jouika? Ona yohone-honenge ko yakunua iwihigiriiri.

1 Yohanese 3:2

Ahi gogianongoru abe duru tinidora nginika, ngone hagoungu hodadioka to Ma Jou ai ngofa-ngofaka! De gea ngaro duru hohiorikoka abe ai ngofaka hodadioka, masara naga ma titi moi abe ngone ko hohiorikuahi. De gea ko hohiorikua abe ma titi ahao dokengika de to ngone nanga rupa ahao hokokia. De ngaro nanga rupa dokengika ko hohiorikuahi masara ma oraha naa de duru hohiorikoka abe ahao ma oraha womahimatoko de gea to ngoneoo nanga rupa idadi abe hoka to Unangoli ai rupa. Angamoi ma oraha gea de ahao ngone ka idadi himake Unangika abe ai rupa ma gou-goungu. Ho gea to ngoneoo nanga rupa ma hungioli kiani naga la ka idadi homarihimanga ngone de Una.