Maruku 12:17 - Ma Jou ai Demo-demo o Totobelohoka

¹⁷ De ahao watemo onangika wato, “Ho gea tato o kia dika naga abe hohiromanga hato to ma koano, gea itiai nihidoaka ma koanoika. Masara nagali o kia dika abe hato to Ma Jou, ena gea kiani niwihidoakoli Ma Jouika.” De gea duru yokokiheranga abe Una ka idadi wopaluhu de ko idadiua iwikalaki ma titi ai bobaluhino gea.

Maruku 12:17 ပူးပေါင်းရင်းမြစ်များ

Matiusu 22:21

De gea iwipaluhu ato, “De gea to o Roma ma nyawa manga koano.” De ahao watemoli onangika wato, “Ho gea tato o kia dika naga abe hohiromanga hato to ma koano, gea itiai nihidoaka ma koanoika. Masara nagali o kia dika abe hato to Ma Jou, ena gea kiani niwihidoaka Ma Jouika.”

Matiusu 22:22

De gea duru yoheranga ma titi to Una ai bobaluhu, ho hiadono ka yosobo de iwinoaika genangoka.

Matiusu 22:33

De abe ona yowoe-woe genangoka yototoihene o Yesusu ai dodotoko ma demo de duru yoheranga ai demoika gea.

Matiusu 22:46

De o Yesusu wotemo ibooto de moioo de ko iwa abe ka idadi iwipaluhu Unangika. De gea ipaha de o nyawa mata-mataika ko yamoroinokaua iwileha Unangika abe ato genangino de ihititi ai howono ai demoino.

Matiusu 8:10

Ka de o Yesusu woihenino ma tentara manga haeke ai demo gea de Una duru woheranga ma titi ma haeke gea ai ngongaku. De o Yesusu wotemo onangika abe iwinii-niiki wato, “Naa tagou-goungu tinihingahu abe nako to una naa ai ngongaku de o Isiraele ma nyawa manga ngongaku masara ka to unangohi iputurungu ai ngongaku. De abe naa ahi dekanino o Isiraele ma tonakoka ma ko tamakeuahi abe o nyawa manga ngongaku iputurungu abe imaketero hoka o homoaino ma nyawa naa to una ai ngongaku!

Maruku 12:16

De ahao gea moi iwihidoaka de ahao Unangoli waleha onangika wato, “Ma tiwioka naa to onaguna ai hapa naga de to onaguna ai romanga?” De gea iwipaluhu ato, “De gea to o Roma ma nyawa manga koano.”

Maruku 12:30

De kiani nia Jou o Yawe, kiani Unangikahi niwidora de nia womaha ma gahumu, de kiani niwidora de nia wowango ma gahumu, de kiani niwidora de nia hininga ma gahumu, de kiani niwidora Unangika de o kia dika mata-mata abe naga nginioka!’ De ma pareta ka genangohi duru ikurutiye nako Ma Jou ai Pareta mata-mataika.

Lukasa 20:25

De ahao watemo onangika wato, “Ho gea tato o kia dika naga abe hohiromanga hato to ma koano, gea itiai niwihidoaka ma koanoika. Masara nagali o kia dika abe hato to Ma Jou, ena gea kiani niwihidoakoli Ma Jouika.”

Roma 12:1

Ahi gogianongoru, mangale ma titi Ma Jou ai hininga ma dora gea abe kohaamoko ngoneuku, ho naa ngohi duru tinihigaro nginika la nia badanga homoi-homoi nimahidoaka Ma Jouika la niwango ka Unangika dika. Abe ngini nia badanga nimahidadi hoka o huhuba moi Unangika, de gea ufa hoka o huhuba abe ihonengoka masara abe ka iwangohi la nia wowangoino de ka idadi niwihisanangi Unangika. Ho nia wowangoino gea de kiani niwango nitebini to Una ai himangoka la nia huhuba abe nia wowangoino, gea ka idadi duru iwihisanangi Unangika. De abe nia wowango nimahidoaka Unangika, gea duru niataana abe hokokia itiai ngone ai nyawa hileleani de homahuba-huba Unangika.

Roma 13:7

Ho ngini niahidoaka o poparetaika o kia dika abe itiai onangika niahidoaka. Abe o pajaka o kia dika naga abe kiani nifangu, gea nifangu dika. De ngaro nia hingounu de nia horomati, ma enangoo itiai niahidoaka o popareta ma nyawaika angamoi manga tagongo gea Ma Jouoka de aino wahitagongo onangika. Ho irahai la to ngone nanga hingounu de nanga horomati hahidoaka o popareta ma nyawaika.

Roma 6:13

Ho ufa ngini nimahidoaka nia badanga ma kiahonanga la gea idadi o howono ma dodiawo de genangino nimahitorou. Masara koaho ngini nimahidoaka Ma Jouika la nia badanga ma kiahonanga mata-mata nimahigunoa la Ma Jou wapake hiadono o datoro ma totiai wodiai ti ngini nia badangino. De ma titi o kia hiadono ngohi tinihigaro tato nimahidoaka Ma Jouika? Kiani hokogea angamoi nia wowango ihititi Unangoka de aino! Abe Una gea winihimomikoka nia wowango ma honengoka de aino la nia wowango ma ngango niamake!

1 Peturusu 2:17

Ho nako ngini niwango hoka Ma Jou dika ai gogilaongo, gea kiani nia wowango hokonaa. Abe ngini kiani naga nia horomati o nyawa mata-mataika, De kiani nimakodora nia gogianongoru o ngongakuoka, De kiani nia horomati naga duru kohaamoko Ma Jouika, De ngaro ma kokoano o duniaka masara kiani onangikaoo niahoromati.