Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Maruku 11:27 - Ma Jou ai Demo-demo o Totobelohoka

27 De ipaha de yomahiadoniyeoli o Yerusaleeme ma kotaiye. De o Yesusu wotagi-tagi Ma Jou ai Tau ma loaka de naga o hidemo ma nyawa Ma Jouiye manga hohidimono de ona abe yotobadoto-dotoko o Musa ai Paretaino de o Yahudi ma nyawa manga hohidimono, ona mata-mata yokokiboa o Yesusino.

အခန်းကိုကြည့်ပါ။ ကော်ပီ




Maruku 11:27
10 ပူးပေါင်းရင်းမြစ်များ  

De Ma Jou o Yawe abe duru Wokokurutiye Una winipaluhu nginika hokonaa wato, “Abeika nitotoihene! Ngohi naa etohidingoto ahi nyawa abe wotobahingahu-ngahu ahi demo, de una gea ahao wohidiaiohi ahi ngekomo la Ngohi toboa nginika. De gea ipaha de ahao ka itodokanino de ti ngini nia Baluhu idodutu abe naa ma dekanino niwidodamaa de niwilingiri, Una ahao woboa to Una ai Tauika. De Una gea woboa de winihingahu-ngahu ma titi ahi behehongo ma demo nginika. Ho duru igoungu Una ahao woboa nginika.


De ona gea iwileha o Yesusika ato, “O kiaino ani kuaha la hiadono kanugono o nyawa naduhu abe yotobafuku-fukunu Ma Jou ai Tauoka? De onagona honanga inihidoaka manga kuaha Ngonaika la gea ka idadi nodiai?”


De ipahaino de ahao naga o wange hinootohi de naga ma oraha abe o Yahudi ma nyawa ihirame-rame manga rame-rame hinooto. Abe moi o Totilakuru ma rame-rame de moioli abe ihiromanga o Roti abe ko Iwa ma Ragi ma rame-rame. De ma rame-rame gea ko imulaenguahi de ona o hidemo ma nyawa Ma Jouiye manga hohidimono de onangoo abe yotobadoto-dotoko o Musa ai Paretaino ona yomakoketemo de gea iwihidee la ato o Yesusu yomatohiki abe iwitaoko de iwitoma.


Ho o Yesusu naga genangoka Ma Jou ai Tau ma honongaka abe ihiromanga o Saloomo ma punga, de genangoka wotagi-tagi o Yesusu.


De o Yesusu wipaluhu unangika wato, “Ngohi ka ihikaika totemo la o nyawa mata-mata abe yoigo yoihene ka idadi yoihene. De ngaro o kiaka dika o nyawa yomatoomuino la yomadotoko, ngaro Ma Jou ai Tauoka de ngaro o dodotoko ma tau-tauoka, ma genangokaoo ka ihikaika o Yahudi ma nyawa tadotoko. Ho ko ma moiuahi tomagogono o nyawa tadotoko.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ