Maruku 10:6 - Ma Jou ai Demo-demo o Totobelohoka

⁶ Abeika Ma Jou ai Demo-demo abe inahitararono hokokia duru ma dodihiraka abe ma oraha de watulaada o nyawa. Abe itemo ato, ‘Ma Jou watulaada moi o nauru de moi o ngofeka.’

Maruku 10:6 ပူးပေါင်းရင်းမြစ်များ

Dodadi 1:1

Duru ma dodihiraka Ma Jou womulaenge wotulaada o dunia de o dihanga mata-mataika.

Dodadi 1:27

Hokogea ma titi Ma Jou watulaada o nyawa la ona ngade-ngade hoka Unangoli, de ona gea watulaada moi o nauru de moi o ngofeka.

Dodadi 5:2

De ona gea watulaada o nauru de o ngofeka. Ho ka de yahinooto gea watulaada ibooto de ona wahiowa ho wahiromanga o nyawa.

Maruku 13:19

Abe ma oraha gea duru o kangela de o huha ma ngoe niaohana. De ngaro mata-mataika, masara ka ma oraha genangohi ma kokangela ilago-agomo. Abe duru ma dodihiraka abe Ma Jou wotobatulaada ka hiadono ma oraha naa, ko iwahi ma kangela hokogea ma amoko. De ma kangela gea ahao ipahaino, de duru ko iwakau hokogea ma kokangela idadi ka hiado-adonika.

Roma 1:20

Abe ahi demo gea ma titi hokonaa. Abe ngaro ko idadiua ngone o nyawa himake de nanga lako Ma Jou, masara duru ma dodihirainohi de hiadono naa de ka ihikaika wonahimatoko ngoneino to Una ai hininga abe ma titi ai dulaadaino. Ho ma oraha ai dulaada wotulaada ibootino de hiadono naa de ka idadi ngone o nyawa hamake de nanga lako o dunia naa de ma kiahonanga abe Una wohidadioka. De genangino de ka idadi hataoko itararono ma titi to Una ai kuaha kohaamoko abe ko iwa ma bobaha, de abe hataokoo Una gea wagou-goungu Ma Jou idodutu, de abe naga utu duru ko iwa. Ho mangale ma titi gea mata-mata duru itararono ngoneino, ngone mata-mata ka idadi hohioriki abe Ma Jou Una gea hokokia. Ho duru ko moiua abe ka idadi yomahipongono ato, “Ngohi ko tihiorikua abe Ma Jou Una naga.” Duru ko idadiua o nyawa yomademo hokogea angamoi tanu ka idadi iwihioriki itararono abe ma titi Ma Jou.

2 Peturusu 3:4

De ona ahao yomia-mia ato, “Ee, bari ma dihiraino winihibehehongoka wato Una ahao woboali. Masara ngomi naa ko wiwimakeuahi! Ho Una o kiaikaka Una gea? Angamoi abeika ngaro ma dihiraino abe ma oraha nanga balu-baluhu yohira-hiraika yokokihonengoka de ka hiadono ma oraha naa naga, masara ko iwahi ma dodunguu abe Una woboa. De o dunia ma oraha naa ko ihowonua de abe duru ma dodihiraino de idadi, masara ma rupa gea ka moi de ma oraha naa naga, de ko aturuurua. Ho marai Una gea ko woboauali!” Hokogea to ona manga mia-mia ma demo ma oraha gea.