Maruku 10:49 - Ma Jou ai Demo-demo o Totobelohoka

⁴⁹ De o Yesusu woihene ai demo gea de womatogumuku de wahuloko wato, “Una gea niwiahokino Ngohino!” De ona iwiahoko worafi-rafika gea de iwitemo ato, “Ngona naa noutumoka angamoi woniahokoka, de! Ho naa nomataiti naikahi!”

Maruku 10:49 ပူးပေါင်းရင်းမြစ်များ

Matiusu 9:2

De yomahiadonoka genangoka de naga womatengo wolugu-lugu abe ai dodiawo iwiao o Yesusino. De wolugu-lugu gea una ka womaiduoka dika ai nanaooka. Ho ka de o Yesusu wamake wolugu-lugu gea de ai dodiawo abe iwiaoino de wahioriki abe ona mata-mata manga hiningaka de duru iwingakuoka Unangika. De mangale manga ngongakuino gea ho o Yesusu witemo wolugu-luguika wato, “Ahi ngofaka, ufa ani hininga ihuha, angamoi naa ani howono Ma Jouika Ngohi takokiofioka.”

Maruku 10:50

Ka de o Batimeusu manga demo woihene, ka dau de womaokoiye. Abe ai baju ihidatahumuku, gea waumouku ai dingiioka de wodogunoaika dika. Wodogunoaika, de womataiti woboa o Yesusika.

Lukasa 18:40

De o Yesusu woihene ai demo gea de womatogumukuohi o ngekomoka de wahuloko ai nyawa la una worafi-rafi iwiao Unangino. De iwiao o Yesusino de Una wato,

Yohanese 11:28

Gea o ngo Marata motemo ibooto de ahao moiki momigilio ngomi dodotika, o ngo Maria gea, de momitauru de momihihuduika dika munangika mato, “Nanga Guru woboaka de wonibehehongo.”

Ibarani 2:17

De mangale ma titi ai hiningaka woigo wonaduhunu ngone, ho ma dihiraino gea de kiani wodadi duru womaketero hoka ngoneoli abe nanga rupa de nanga hiningaoo kiani duru hoimoi. Abe o kia dika naga ngone o nyawa hamao nanga hiningaka, gea ena Unangoo kiani wamao to Unangoo ai hiningaka. Angamoi Una wodadioka to ngone nanga Hidemo Ma Jouika abe Unangohi duru wokokurutiye nako de o hidemo utu, la gea ka idadi duru wonaduhunu Ma Jou ai himangoka ma titi nanga gogao Unangika, la gea Ma Jou wohitiai nanga gogao hiadono gea itiaiokali. De nanga gogao gea wohitiai abe ma oraha womahihuba moi Ma Jouiye ma titi ngone la genangino de nanga howo-howono Ma Jou waofioka. Masara nako hoka nanga Hidemo Ma Jouika abe Unangohi duru wokokurutiye de gea nako hoka ai hininga imakohowono de to ngone o nyawa nanga hininga, gea done sarakia una wonahioriki nanga hininga ma dola, de done sarakia wonadora ngoneino? Ma nako to ngone naa nanga Hidemo wokokurutiye Ma Jouika o Yesusu, Una gea ma dihiraino de wodadi o nyawa de wamaoka to ngone nanga hininga mata-mataika abe imaketero hoka ngoneoli hamao. Ho gea Una wodadioka nanga Hidemo Ma Jouika abe Una naga de ai hininga de ma doraka ngone ai nyawaino, de gea hohioriki abe Una watobagou-goungu ai demoika, ho ngone duru ka idadi hingaku Unangika.

Ibarani 4:15

De to ngone nanga Hidemo wokokurutiye Ma Jouika, Una gea ka idadi duru wonahioriki abe to ngone nanga hininga ma buturungu ka ikurangohi. Angamoi Unangoo ma dihiraino de iwihiata-atara ma ngoe, de abe o hiatara mata-mataika inadaene ngone o nyawaino, enangoo gea mata-mata iwidaenoka Unangika. Masara ngaro hokogea iwihiata-atara Unangika, masara Una duru ko wahowonua.