Maruku 10:39 - Ma Jou ai Demo-demo o Totobelohoka

³⁹ De iwipaluhu Unangika ato, “Iya. Ngomi ka miakunu hokogea.” De Una wato, “Igoungu nginioo ahao o nyawa inihikangela ma ngoe de naga utuohi o hohangihara irupa-rupa niaohana.

Maruku 10:39 ပူးပေါင်းရင်းမြစ်များ

Matiusu 3:6

De gea yoihene de ahao ona manga ngoe yomamao ma titi manga howo-howono Ma Jouika, ho gea yomangaku manga howono de ahao o Yohanese waohiki ona gea o Yorodani ma akeroka. La ma dodunguuino gea de itararono abe ona yotobaka.

Maruku 14:31

De o Peturusu ai demo duru widobuturungu wato, “Koua! Hokogenangua! Ngaro ngohi de Ngona homahidohonenge ma ka tomodeke. Ngohi duru ko toniolukua!” De hokogenangoli o Peturusu ai dodiawo utuoli ona mata-mata yokokitemo o Yesusika de manga demo gea imakadaene hoka o Peturusoli ai demo.

Maruku 14:36

“Ahi Baba, Ngohi tohioriki de Ngona ko iwa moi la ko idadiua. Ho togahoko la ahi huha Ngohioka nagorakoka, masara, iti ufa to Ngohi ahi mau naniiki, masara tato Ngona dika Baba ani mau naniiki.”

Yohanese 13:37

De o Peturusu wilehali o Yesusika wato, “Ahi Baluhu, adodoa ho nato ko tapoauahi toniniiki ngohi naa? Ngaro kiani ahi wowango tomahidoaka la toniduhunu ma tosanangi dika.”

Yohanese 15:20

Ho ufa niawohanga ahi demo nginika abe tato, nako o huhuloko de o huhuloko ai dutu, ko idadiua o huhuloko gea wato ka unangohi wokurutiye. De naga ahi demo moioli abe ma titi nako Ngohi todadioka ti ngini nia Baluhu de o kangela ihidaene, ufa niafikiri nginika ko inidaenua, angamoi nginioo ahao inihikangela. Abe nako naga o nyawa ko ihihigihenua Ngohi, gea ti nginioo nia demo ko ihigihenua.

Yohanese 17:14

To Ngona ani demo-demo Baba tahidoakoka onangika, ho o dunia ma nyawa yadohata onangika angamoi imaketero hoka Ngohi ko o dunia ma nyawaua, ho onangoo yaniikokaua o dunia ma biaha.

Hidingoto 12:2

Abe una wihohonenge de o humaranga o Yesusu ai hidingoto ma nyawa womatengo o Yakobusu abe gea to Yohanese ai riaka.

Kolose 1:24

De naa ngohi togarago angamoi ngaro ngohioka o kangela kiani tomamao, gea ko kia-kiaua, iti ngini ka idadi niamake ma utumu ahi kangelaino gea. Abe o kokangela ma oraha naa tamao ahi roehoka, gea tohioriki o Kristusu wohideeoka la o kangela ma ngoe ngohi taohana la genangino o gareja ma nyawa yamake ma utumu. Masara abe ma titi ahi kokangela naa, gea tohioriki ko ibootuahi, masara nagahi abe o Kristusu wohideeoka la ngohi tamao ahi badangoka. Ho ma kangela naa abe kiani tangodumokahi la o Kristusu ai badanga abe ai nyawa, ona gea ka taduhunohi.

Himatoko 1:9

Ngohi naa o Yohanese ti ngini nia gianongoru o Yesusoka. De mangale ngohi de ngini nanga borigogere naga Unangoka, ho ngone mata-mata naga nanga kangela abe hoborihimanga. De genangino tohioriki abe ngini de ngohi homahiketehigogao angamoi ngone mata-mata hodadioka to Una ai kokawaaha o doomu moioka. De ngohi tohiorikoo abe ngone homaketero ma titi abe ngaro o kangela ma goronaka masara ngone ka homatongohono dika ma dorouino. De naa tomahingahu nginika abe ngohi nengokadau ihitaokino de ihihidingoto nenangino la ihihohowono ma nuuhino naa abe ma romanga o Patomos. De gea ngohi ihitaokino de ihihohowono ma nuuhino naa ma titi tahingahu-ngahu o nyawaika abe Ma Jou ai Demo-demo de abe o Yesusu ai ade-ade gea duru tahigaro la tato yangaku enangika.