Maruku 10:22 - Ma Jou ai Demo-demo o Totobelohoka

²² Masara ka de gea woihene de duru ai himanga itafukuoka angamoi ai hininga duru ihuha, ho ka o Yesusu wiporete de woikoka wolio angamoi to una ai kiahonanga duru kohangoe de ko woigoua gea wahidotodoaka o nyawaika.

Maruku 10:22 ပူးပေါင်းရင်းမြစ်များ

Matiusu 13:22

“De abe naga utuohi yoihene Ma Jou ai Demo-demo ona gea imaketero hoka o bibiti abe ipuraraha o hihikauku. Abe ngaro yoihenoka masara manga hininga itagi ka o dunia ma kiahonangika dika la ato yowango yososanangi dika. Ho gea yahibudi de o kiahonanga la ato iti yokaya, de gea ka hiadono Ma Jou ai Demo-demo adehoroka de manga horoodo. Ho to ona manga wowango imaketero hoka o datomo abe ko ihofo-hofokua.”

Matiusu 19:22

Ka de hokogea woihene de una ai hininga duru ihuha, ho ka o Yesusu wiporete de woiki wolio angamoi to una ai kiahonanga duru kohangoe de gea ko woigoua wahidotodoaka o nyawaika.

Matiusu 27:3

De abe ma oraha o Yudasa woihene abe ahao o Yesusu iwihohowono de o hohonenge de gea ai hininga duru ihuha, angamoi una ma hirete abe wihidoaka o Yesusu ai musuika. Ho mangale ai hininga ma huha ma amoko gea ho hiadono ai tiwi o haakaino ma gahumu moruange gea wato wohigilio dika. Ho ma tiwi gea wagoraka de woiki Ma Jou ai Tauika la watutumu o Yahudi ma nyawa manga hohidimonika, abe utu onangino manga hidemo Ma Jouiye manga hohidimono yokokurutiye.

Maruku 10:21

Masara ka de woihene ai demo gea de o Yesusu widamaanoka de duru widora unangika ho wotemoli wato, “Bowahu moiokahi kiani nodogo la ani hingounu hatoli ingodumu. Hokonaa nodiai, noiki nolio ani tauika, naika de ani kiahonanga nakokifukunoka mata-mata de naga ani tiwi ahao nahidoaka naga abe o nyawa yohu-huhaika. Gea nahidoaka onangika la ngona ahao nokaya o Horogaka. Ho ani kiahonanga nakokifukunoka de ahao nolioli Ngohino la nohiniiki Ngohi.”

Maruku 10:23

De wokaya-kaya wosoboka de ahao o Yesusu womalega arihononga iwinii-niikika de wotemo wato, “Igoungu, ona abe de manga tiwi-tiwioka duru ihuha yodadi Ma Jou ai kokawaaha.”

Maruku 6:20

angamoi ami rokata o Herodese wigoana o Yohanese. Wigoana hokogea angamoi wato, “Una gea o totiai ma nyawa, abe hatoli ko iwa ai howono,” ho wimodongo o Yohanesika. De o Herodese duru woigo wotoihene ma titi o Yohanese ai demo-demo, abe ngaro doka ai hiningaka de duru ipusingi ma oraha woihene ai demo-demo gea masara ka idadiohi ma moi ma moi wotoihene.

Maruku 6:26

De ami demo gea woihene o Herodese Antipasa de ai hininga duru ihuha, masara angamoi ai behehongo gea abe wotemoka ai dodiawo manga hima-himangoka, ho ko idadiua de womieluku munangika.

Lukasa 12:15

De ahao o Yesusu wotemo o nyawa mata-mataika gea wato, “Ngini nihidodiai de nimagoana la ufa nia hininga ma horoodo inihipareta nginika. Angamoi nanga wowango ko ihititiua abe nanga kiahonangoka de aino.”

Lukasa 18:23

Ho ka de gea woihene de una ai hininga duru ihuha angamoi to una ai kiahonanga duru kohangoe de ko woigoua gea wahidotodoaka o nyawaika.

2 Korintusu 7:10

De gea igoungu naga o hininga ma huha o fara moi abe Ma Jou ka idadi wapake nanga hiningaka la gea ka idadi ihihofoko o toduba nanga hiningaka. De nanga todubaino gea hiadono hanoa nanga howono de hiniikoli Ma Jouika. De gea ahao nanga gogao ma rorahai ilioli Unangika, ho ngomi ka idadi duru misanangi ma titi o hininga ma toduba gea angamoi ihihofoko ma rorahai o nyawa manga wowangoka. Masara nako o hininga ma huha abe iboa ka o duniaka de aino, gea ko idadiua yaduhunu o nyawa manga howonino, ho o duniaka ma hininga ma huha ihihofoko ka o hone-honenge dika.

Efesusu 5:5

De angamoi naa duru itararonoka ngoneino de duru hohiorikoka abe onagona dika yatobahowono de yomakitigi de abe ko manga fekatua eko manga rokatua, eko onagona dika yomahitobahitorou, ona gea ahao ko yamakeua manga gogere o Kristusu ai kuaha ma goronaka, abe ma oraha gea Ma Jou wonahigogere de to Una ai kuahaka la Una de o Kristusu wonahikoano ngone. De abe ona ka ihikaika naga manga horoodo o kiahonangika, gea onangoo ko yamakeua manga gogere o Kristusu ai kuaha ma goronaka. Ko yamakeua angamoi manga horoodo gea imaketero hoka yomahijou o kiahonangika de ko Ma Jouikaua.

2 Timotiusu 4:10

Angamoi nako ahi dodiawo ma dihiraino nenangoka, ona gea ngade-ngade ko moiokaua. Abe nako o Demasa abe una naa ma duru wohidodiawoino ngohi nenangoka, naa una wohinoaka wosoboka wato o Tesalonika ma kotaika woiki ma titi duru woigo de wolegaika o duniaka naa ma wowango ma perelu, hiadono ko wolegaikakaua Ma Jou ai karajaangika. De nako nanga gogianongoru o Kresekes de o Titusu, ona gea yosoboka la ato iwileleani Ma Jou o ngi-ngi utuikali. Abe o Kresekes una gea o Galatia ma tonakika woikoka, de o Titusu unangoo woikoka o Dalamatia ma tonakika.