De ahao o Yesusu wotemo yowoe-woeika wato, “Adodoa ho hiadono nia humaranga de nia boboha nimagao la niato nihitaoko? Gea nia hininga done sarakia? Niato bote Ngohi naa o nyawa ma dorou abe tatobalawana nanga popareta ho hiadono kiani naga nia dae la ka idadi nihitaoko? Masara nengokadauinohi o wange-wangeiye Ngohi naga de de ngini Ma Jou ai Tauoka abe tinidotoko, masara gea de ko nihitaokua.
Maruku 10:1 - Ma Jou ai Demo-demo o Totobelohoka1 De ipaha de o Galilea ma tonaka o Yesusu de iwinii-niiki yanoaika de gea yotagi-tagi ato o Yudea ma tonakika yoiki. De manga dodagi ma goronaka de yomahiadono o Yorodani ma akerika, de ma akere gea yomahihoraika. De doka o akere ma honongaka, genangokali o nyawa yowoe-woe yoboa Unangino. De hoka ai biaha o Yesusu wadotokoli ona gea. အခန်းကိုကြည့်ပါ။ |
Maruku 10:1
17 ပူးပေါင်းရင်းမြစ်များ
De o Yesusu wotagi-tagi o Galilea ma tonaka ma amokika abe waloo-loliti de wotulu ma kapongo homoi-homoiika de wadotoko genangoka abe o Yahudi ma nyawa manga dodotoko ma tau-tauoka. De Una wahingahu onangika o Abari ma Rorahai abe ma titi Ma Jou woboaino la wahikoano o nyawa o duniaka naa. De ma oraha gea de o nyawa abe de manga panyakeoka ma rupa o kia dika naga, masara Una wahikokitogumu manga popanyakeino gea.
De o Yesusu wodotoko ai gogiriaka de o Farisi manga doomuino ma nyawa yamuruono naga yoboaino. De ona gea iwihideeoka abe ona ato ihititi la genangoka de ato o Yesusu wahowono. Abe ona yomatemo ato, “Nako wotemo ai gogiriaka de ai demo ko imakiniikua de o Musa ai Pareta, gea wahowonoka.” Hokogea o Farisi ma nyawa manga hininga, ho ona iwibole ma goa-goa o Yesusika ato, “Sarakia, nako naga o nauru womatengo de ngoi fekata womioluku, gea watilakuroka ma pareta eko koua?”
De ahao o Yesusu wadotoko o nyawaika Ma Jou ai Tau ma loaka de naga o leleha moi Unangoli wato woleha la ka idadi o nyawa yomahihohininga. De waleha o nyawa yowoe-woeika wato, “Ona abe yotobadoto-dotoko o Musa ai Paretaino ona yodotoko ato, ‘Nanga Koano o Kristusu abe ma dihira Ma Jou winihibehehongoka wato ahao wihidingoto nginiuku, Una gea ka o nyawa biaha dika angamoi wodadi nanga tofora o Dautu ai totoforaukuino.’
De ipaha ai kapongoka de ahao o Hiaini ma wange adonoka ho Una wodotoko o Yahudi ma nyawa manga dodotoko ma tauoka. O nyawa ko manga ngoe iwitoihene de hiadono yokokiheranga de yomakokeleha ato, “O kiaino gea mata-mata wamake? Una naa duru wotobahioriki! De o kiaino ai hiakunu hiadono wodiai o heheranga?
De o Yesusu wipaluhu unangika wato, “Ngohi ka ihikaika totemo la o nyawa mata-mata abe yoigo yoihene ka idadi yoihene. De ngaro o kiaka dika o nyawa yomatoomuino la yomadotoko, ngaro Ma Jou ai Tauoka de ngaro o dodotoko ma tau-tauoka, ma genangokaoo ka ihikaika o Yahudi ma nyawa tadotoko. Ho ko ma moiuahi tomagogono o nyawa tadotoko.
ကြော်ငြာတွေ