Maruku 1:39 - Ma Jou ai Demo-demo o Totobelohoka

³⁹ De o Yesusu wotagi-tagi o Galilea ma tonaka ma amokika de o nyawa wadotoko manga dodotoko ma tau-tauoka de manga toka-tokata ma dorou wakokititokoka.

Maruku 1:39 ပူးပေါင်းရင်းမြစ်များ

Matiusu 4:23

De o Yesusu wotagi-tagi o Galilea ma tonaka ma amokika abe waloo-loliti de wotulu ma kapongo homoi-homoiika de wadotoko genangoka abe o Yahudi ma nyawa manga dodotoko ma tau-tauoka. De Una wahingahu onangika o Abari ma Rorahai abe ma titi Ma Jou woboaino la wahikoano o nyawa o duniaka naa. De ma oraha gea de o nyawa abe de manga panyakeoka ma rupa o kia dika naga, masara Una wahikokitogumu manga popanyakeino gea.

Matiusu 9:35

De o Yesusu Una ka ihikaika wotagi-tagi de wotulu-tulu abe o kota-kotaika de o kapongo homoi-homoiika ma tonakoka gea. De ma ngi homoi-homoioka de Una wadotoko manga dodotoko ma tau-tauoka de wahingahu-ngahu o Abari ma Rorahai abe ma titi ahao Ma Jou wahikoano ai nyawaika. De o kiaika dika woiki de o nyawa ko manga ngoe wahitogumu manga popanyakeino de manga badanga ma kokangelaino gea. Abe ngaro ma panyake eko ma kangela o kia dika naga ma Una ka wahitogumu genangino.

Maruku 1:21

Ho o Yesusu de yaruata gea yomakiniiki yotowongi hiadono yowohama o Kapenaumu ma kapongika. De ipaha abe o Hiaini ma wange adonoka de o Yesusu wowohama manga dodotoko ma tauika de wadotoko o nyawaika abe yomatoomuino genangoka.

Maruku 1:23

De duru ma oraha gea naga womatengo manga dodotoko ma tauoka abe iwikitokata, de ka itodokanino una wopoaka o Yesusika.

Maruku 1:38

De o Yesusu wapaluhu onangika, wato, “Iya, gea tohioriki ma naa hogila-gila dika hoiki o kapo-kapongo utuikali abe ko ikurutikaua la onangoo tadotoko. Angamoi gea ma titi ho hiadono nenangino tohupu.”

Maruku 3:1

De ma moiuku abe o Hiaini ma wangeoka de o Yesusu wowohamoli o dodotoko ma tauika de naga womatengo genangoka ai giama ma hononga iheluku. De nagali o nyawa utu genangoka o Yesusu iwigoana de yolingiri ma titi la ato nako wodiai ko itiaiua ka idadi iwihohowono. Ho yamuruono naga duru iwilega-lega o Yesusika done ai giama ihelu-heluku wihitogumu, ato nako wihitogumu o Hiaini ma wangeoka gea wahowonoka.

Maruku 6:6

De duru woheranga abe to Una ai kapongoka gea de manga ngoe ko iwa manga ngongaku. Ho ipaha de o Yesusu woiki wokapakiti o kapo-kapongika la wodotoko homoi-homoioka.

Maruku 7:30

Ho muna moihene ai demo gea de mosoboka, de molio ami tauika mato ngomi ora momilegahi. De momahiadonoka de ngomi ora momimake momaiduoka morii-riidi dika ami koioka, de igoungu ma tokata gea iminoaka. Marai hokogea dika aika ma oraha imikokitokata ami ade-ade.

Lukasa 4:41

De nagali abe yakokitokata abe yao Unangino, de onangoo waduhunu abe wohikokititoko la ma toka-tokata ihupu onangoka de aino. De ma tokata utu ipoa-poaka ato, “Ngona naa Ma Jou ai Ngofaka!” Masara o Yesusu wataere enangika de ko wohigunoaua la ena gea itemo-temo, angamoi ihioriki abe Una gea Ma Jou ai Mesia abe wihidingoto o duniauku.