Maruku 1:38 - Ma Jou ai Demo-demo o Totobelohoka

³⁸ De o Yesusu wapaluhu onangika, wato, “Iya, gea tohioriki ma naa hogila-gila dika hoiki o kapo-kapongo utuikali abe ko ikurutikaua la onangoo tadotoko. Angamoi gea ma titi ho hiadono nenangino tohupu.”

Maruku 1:38 ပူးပေါင်းရင်းမြစ်များ

Maruku 1:37

Ka de iwimake de yotemo o Yesusika, ato, “Mia Baluhu, marai naga o Kapenaumu ma nyawa mata-mata inikokilingiri.”

Maruku 1:39

De o Yesusu wotagi-tagi o Galilea ma tonaka ma amokika de o nyawa wadotoko manga dodotoko ma tau-tauoka de manga toka-tokata ma dorou wakokititokoka.

Lukasa 2:49

De Una wopaluhu onangika wato, “Ma titi o kia hiadono nihilingiri o ngi-ngi utuika? Mode ko nihiorikua abe Ngohi kiani naga ahi Baba ai ngioka?”

Lukasa 4:43

Masara Una wapaluhu onangika wato, “Ngohi naa kiani togila-gila o kapongo de o kota utuikali la onangikaoo tahingahu-ngahu o Abari ma Rorahai abe ma titi hokokia Ma Jou wahikoano ai nyawaika. Angamoi duru ena gea Ma Jou ai hininga ma dumutu hiadono wohihidingoto naanguku.”

Yohanese 16:28

Abe Ngohi naa toboakau de gea duru Ma Jouoka de tauku o duniauku naa. Ho o dunia tanoa naa de tolio o Babaiye.” Hokogea o Yesusu wahingahu ona iwitobanii-niikika.

Yohanese 17:4

“O Baba, Ngohi ani medebini ma dararono tohiboa Ngonaika ma titi tabootoka ahi karajaanga mata-mata abe nohihidoakino Ngohino la todiai o duniakahi naa.

Yohanese 17:8

Ho abe ani demo nohihidoaka Ngohino gea tahidoakoli onangika. De gea yodafongo dika hiadono ona duru ihioriki Ngona dika nohihidingoto, abe Ngohioo Ngonaka de taino.”

Yohanese 9:4

Ma oraha adonoka abe ngone ka idadi hodiai to Una ai karajaanga abe wohihidingotino naa. Imaketero hoka o nyawa manga biaha yokarajaanga o wangeoka masara o futu-futu ko yokarajaangua, hokogenangoo de Ma Jou ai karajaanga. Abe nako ngoneoo hodamaa la Ma Jou ai karajaanga hato hokarajaanga nanga wowango ma bahaika, gea hokokapaanga.