Maruku 1:35 - Ma Jou ai Demo-demo o Totobelohoka

³⁵ De ma dawangeino abe ngade-ngade itebini ma ka ifufutuohi de o Yesusu womomiki de wohupu o tauino de woiki o tonaka ma kakaahaika abe ko iwa o nyawa genangoka la womaniata Ma Jouiye.

Maruku 1:35 ပူးပေါင်းရင်းမြစ်များ

Higiriiri 5:3

Ngona, Ma Jou o Yaweika, to ngohi ahi hininga tomahingahu, Duru o ngoru-ngorumino tonihingahu de Ngona nogihene. Ka de ahi gogahoko abe Ngonaika o ngorumino tonihingahuoka, De toriidi tododamaa, de duru tonganono ani babaluhu ngohino.

Matiusu 14:13

Ka de o Yesusu woihene ma abari abe o Yohanese iwitomaka de Una de iwinii-niiki yomatingaka o nyawa yowoe-woeino ho yofarene o ngotiroko. De ona yomahihora o akere ma ngooto ma honongaika angamoi manga hininga la yoiki o ngi moiika abe genangoka ko iwa o nyawa. Masara o nyawa manga ngoe yoihene ma titi o Yesusu ai dumutu ho ona yahiduru yotowongi. De nagali o nyawa abe o kapongo ma ngoeino yomahidogo onangika ho yomakiniiki yotowongi. De ona yototowongi, ona yohira yomahiadonika, ho o Yesusu de iwinii-niiki ka onangoli yoturu yomahiadono.

Matiusu 14:23

De o nyawa ko manga ngoe gea wahulokoka de Una woiki o lokuiye wodoa la wato womaniatohi. De ahao ifufutuku de o Yesusu Una ka womatengokahi o lokuokahi.

Maruku 1:36

De ahao o Simono de ai dodiawo yamuruono naga, ona gea naga iwilingiri o Yesusu.

Lukasa 5:16

Masara o Yesusu ma ngoe womatingaka o nyawaka de aino o tonaka ma kakaahaika la ka idadi womatengoka dika womaniata genangoka.

Lukasa 6:12

De ipahainoli de o Yesusu woiki wodoa o loku moiiye la dakenangoka womaniata. De Una ka iwihidetebiniye abe ko wotogu-togumua womaniata Ma Jouiye.

Yohanese 4:34

Ho angamoi yomakokeleha hokogea, o Yesusu wahingahu onangika wato, “To Ngohi ahi inomo, gea ahi hingounu to Una ai mauika abe wohihidingotino. Abe naga o karajaanga wohihidoaka Ngohino de kiani gea tabootokahi, ho ahi karajaanga gea to Ngohi ahi inomo.” Hokogea o Yesusu wahitararono ona iwitobanii-niikika.

Yohanese 6:15

De ona yomahikagaro, ato, “Ibootohi hodamaa. Ho naa ma oraha adonoka abe ka idadi hiao la hihidadi nanga koano!” Ho ka de wohioriki manga hininga gea, de o Yesusu womadohuku onangino de woiki womatengo dika o lokuikali.

Efesusu 6:18

De abe ma oraha ti ngini nia parangi ma hidailako mata-mata gea niapake, gea kiani ngini ka ihikaika nimaniata de nimagahoko o duduhunu Unangiye, angamoi enangoo duru kiani naga nia niniata abe ma oraha nia musuika nialawana. Abe ngaro hokokia dika naga abe ngini nidiai ma goronaka, ma nako Ma Jou o Womaha winitila la nimaniata, genangoka koaho nimaniata. De gea kiani ngini nimaniata de nia hininga ma magawe de ufa hiadono nimahipipidili genangino. De abe nanga gogianongoru mata-mataika iwingaku-ngakuoka, gea kiani ka ihikaika ngini ninagahoko Unangiye ma titi ngone.

Filiipi 2:5

Abeika o Yesusu Kristusu ai hininga ma dodipokouku. Kiani nginioo nimaaduru hoka to Una ai hiningali la imatoteroino abe ti nginioo nia hininga ma dodipokouku.

Ibarani 5:7

De nako ma dihiraino ma oraha o Yesusu nagahi o dunia ma lokuokahi de Una naga de ai roehokahi abe imaketero hoka ngoneoli, de ma oraha gea Una duru womaniata de o duduhunu womatobagahoko ai Babaiye, abe womaniata de ai ilingi ma amokiye de nagali ai koongo itifa. De abe womagahoko o duduhunu ai Babaiye de gea ai Baba tanu ka idadi widuhunu la ngaro ufa dika de ai Ngofaka wohonenge. De mangale ma titi o Yesusu womahitipokouku de wihoromati ai Babaika, ho ai Baba wigihene de wopaluhu ai niniata ma demoika de widuhunu Unangika.