Maruku 1:28 - Ma Jou ai Demo-demo o Totobelohoka

²⁸ Ho ma abari abe ma titi to Una ai datoro gea duru imataiti imahora-hora hiadono ihikabarihi o Galilea ma tonaka ma amokika.

Maruku 1:28 ပူးပေါင်းရင်းမြစ်များ

Matiusu 4:24

De o abari abe ma titi to Yesusu gea o nyawa yomaketeade-ade o Galilea ma tonaka ma amokika de ka hiadono o Siria ma tonakokaoo yomaketeade-ade ma titi o Yesusu, abe o Siria ma tonaka gea igogere o Galilea ma tonaka ma datekoka. Ho ko yotedekanuahi de o nyawa yopopanyake duru ko manga ngoe yao manga gurutoka de yaino o Yesusino la ato Una wahitogumu ona gea. Abe ngaro manga kangela o kia dika naga manga badangoka masara Una wahikokitogumu ona mata-mataika. De ona abe naga de manga popanyakeoka irupa-rupa, abe naga utu manga badanga ma modorou, de utuoli o ibilihi yabare-barene, de utuoli yohone-honenge, de nagali utu abe manga badanga ma kiahonanga ma hononga ihonengoka. Ho ngaro manga badanga ma kangela o kia dika naga, masara Una ka idadi wahikokitogumu ona mata-mataika.

Matiusu 9:26

De gea womihimomiki ibooto ami honengino de ma nyawa genangoka duru yomaketeade-ade ma titi ma heheranga gea hiadono ihiabari o tonaka gea ma amokika.

Matiusu 9:31

Masara ona gea yosobo de ihiabari o nyawa mata-mataika ma titi o Yesusu ai kuaha, ho hiadono ma tonaka ma amokika gea de o nyawa mata-mata iwihioriki.

Maruku 1:27

Ho ona yomatoo-toomuino genangoka duru yokokiheranga ho yomakokeleha ato, “Ka o kia naa? Naa o dodotoko ma hungi igoungu, abe naga de ma kuahaka! Abeika Una de ai kuaha hiadono o toka-tokata ma dorouika wohuloko de iwihingounu.”

Maruku 1:29

Ho ka de o Yesusu de yamuruono naga abe iwiniiki gea yohupuoka o dodotoko ma tauoka de yoiki o Simono de o Andareasa manga tauika de yowohama genangika. De o Yakobusu de o Yohanese, onangoo naga yomakiniiki.

Maruku 1:45

Masara o nyawa gea ka de wohupu de waade-adeoka o nyawaika. Ho ai ade-ade gea wohikabarihoka hiadono o Yesusu ko idadiokaua wowohama o kapo-kapongika done o nyawa ko manga ngoe iwihideefotino. Ho kiani womahidodogumu ma hoa-hoanoka abe ko iwa o nyawa genangoka. Ma ngaro o Yesusu womatingakika hokogea ma ka ihikaika nagahi o nyawa o kia-kiaino dika yoboaino Unangino.

Lukasa 4:17

Ho iwihidoaka Unangika o buku ma lulu moi abe ma dolaka naga ihitulihuku Ma Jou ai uru ma dodofanga o Yesaya ai demo. De wahohe ma buku gea de wolingiri hiadono wamake ma demo abe ai hininga wato wabasa onangika. De ahao Una wobasa ma demo abe itemo ato,

Lukasa 4:37

De ma abari abe ma titi to Una ai datoro gea duru imahora-hora o tonaka gea mata-mataika hiadono o nyawa mata-mata yokokiihenoka.

Lukasa 7:17

De ma ade-ade abe hokokia o Yesusu wodiai onangoka o nyawa yomaketeade-ade hiadono imahora-hora o Yahudi ma nyawa manga tonaka mata-mataika de o tonaka utuikaoo yomakoketemo ma titi to Una ai kuaha.