Lukasa 9:56 - Ma Jou ai Demo-demo o Totobelohoka

⁵⁶ Ho ona yogila-gila dika o kapongo moiikali.

Lukasa 9:56 ပူးပေါင်းရင်းမြစ်များ

Matiusu 18:10

De ahao o Yesusu wahitiari onangika wato, “Ho naa tinihitiari moioli abe ma titi o nyawa ihingaku-ngaku Ngohino de abe tahiromanga to Ngohi ahi ngofa-ngofaka la tato ufa ngini niaemono onangika. Abe ngaro o nyawa ihingaku-ngakuoka ma manga gogere ka ma dodipokouku dika, masara ufa niaemono ahi nyawaika. Angamoi tinihingahu abe ona ihingaku-ngakuoka de daku o Horogaka naga to ona manga malaekata abe yatobapaliara onangika. De to ona manga malaekata ka ihikaika naga ahi Baba ai himangoka, ho koaho ngini onagona dika de ufa niaemono to Ngohi ahi nyawaika gea.”

Matiusu 18:11

[“De Ngohi naa o Nyawa ma Ngofaka toboa o Horogaka de tauku la ka idadi o nyawa abe yorehe-rehenoka Ma Jouino ona taduhunu manga howo-howonino.]”

Matiusu 20:28

“Abeika ngaro Ngohi o Nyawa ma Ngofaka abe toboa o Horogaka de tauku, ma Ngohi toboa ko ma titiua la o nyawa ihileleani Ngohino, masara ma titi toboa Ngohi la taleleani o nyawaika. De ma titi moioli naga, abe toboa la ahi wowango tomahidoaka la idadi o nyawa manga ngoe manga hiluasa ma bobangu. Abe imaketero hoka o gogilaongoli yalikoika manga karajaanga, de hokogenangoo o nyawa mata-mata yalikoika manga howono. Ho gea ahi wowango tomahidoaka la o nyawa manga ngoe tahiluasa manga kangelaino abe tahihohe manga howo-howonino. Mangale ma titi hinooto gea hiadono Ngohi toboa ma duniauku, abe ko ma titiua la o nyawa ihileleani Ngohino.” Hokogea o Yesusu ai hitiari ma demo iwinii-niikika abe wahitiari wato ufa yomalingiri manga gogere ikokurutiye.

Matiusu 5:39

Masara Ngohi naa tinidotoko tato ufa nialawana o nyawa ma dorouika! Ho nako womatengo winipoka nia kikihinino, de gea ngini nimaleloro nia pea la nia kikihini ma honongali enangoli yapoka.”

Lukasa 19:10

De duru naa ena ma titi hiadono Ngohi naa o Nyawa ma Ngofaka toboa o Horogaka de tauku, la o nyawa abe yorehe-rehenoka Ma Jouino ona talingirohi de taduhunu manga howo-howonino. De duru gea ena abe idadi nenangoka, abe o Sakeusu ai howono aofioka Ma Jou ai himangoka.”

Lukasa 22:51

De o Yesusu wotemo iwinii-niikika wato, “Ibootohi nialawana!” De ahao ma gilaongo gea ai ngauku wagoraka de wohigilio la wihitogumu unangika.

Lukasa 23:34

De ahao o Yesusu wagahoko o nyawa mata-mata gea wato, “Baba, naofi dika to ona naa manga howono Ngohino, angamoi ona duru ko ihiorikua abe o kia yodiai!” De ipaha de ma tentara gea yomaketebobataru la ato ahao ihioriki hokokia yomahikodoku o Yesusu ai baju mata-mata abe ko iwihidapakuahi de ahuputoka.

Lukasa 9:55

Masara o Yesusu womadogilioro onangika de wataere ho ko wahigunoaua yodiai hokogea.

Lukasa 9:57

De o Yesusu de iwinii-niiki manga dodagi ma goronaka de naga womatengo woboa o Yesusino de womahidemo wato, “Ngohi naa toigo toniniiki. Abe Ngona o kiaika dika noiki, ma ngohi toniniiki mata-mataika.”

Yohanese 10:10

Masara nako ona gea yotobatohiki yoboaino la ato yotohiki de yotoma de yahibinaaha, gea dika to ona manga hininga ma dumutu. Masara Ngohi hokogenangua. Ngohi toboa la ahi domba-domba o wowango ma ngango yamake ka hiado-adonika. De manga wowangoka gea ka ihikaika yamake o hiowa ma hohailoa.”

Yohanese 12:47

“De o nyawa abe ahi demo yoihene masara ko iwa manga hingounu enangika, ona gea Ngohi ko tahohowonua angamoi Ngohi toboaino ko mangaleua ma titi la tahohowono o dunia ma nyawa, masara toboaino la ka idadi ona tahihohe manga hohowonino.

Yohanese 3:17

Angamoi gea Ma Jou wihidingoto ai Ngofaka o duniauku, ko mangaleua ma titi la wahohowono o dunia ma nyawa, masara ma titi la ka idadi to ona manga howono Ma Jouika waofi.”

Roma 12:21

Ho gea ngohi tato ufa o nyawa manga datoro ma dorou abe yodiaioka nginika de inihikala genangino hiadono nginioo nioigo nimahibalaha de ma dorou onangikali. Ko idadiua hokogea ngini nidiai, masara koaho niahikala to ona manga datoro ma dorouika ma titi ti ngini nia datoro ma rorahaiino abe nidiai onangika.

1 Timotiusu 1:15

De naa o demo moi tonihingahu abe ma demo gea hohioriki duru igou-goungu. Abe o Yesusu Kristusu, Una woboaka o duniauku naa la wato o howo-howono ma nyawa waduhunu manga howonino. Ma demo gea duru igoungu de kiani hodafongo de hangaku enangika. De nako o howo-howono ma nyawa mata-mataika, ma ka ngohiohi ahi howono itorou.