Lukasa 9:55 - Ma Jou ai Demo-demo o Totobelohoka

⁵⁵ Masara o Yesusu womadogilioro onangika de wataere ho ko wahigunoaua yodiai hokogea.

Lukasa 9:55 ပူးပေါင်းရင်းမြစ်များ

Sosawaro 9:8

Abe ka de ngini niataere onangika abe yotobahohedu de ahao ona inidohata dika ho ngaro ufa de niaduhunu onangika. Masara ka de ngini niataere onangika abe yososawaro de ona yotarimakase nginika de utuohi manga dora ilamoko nginika.

Matiusu 16:23

Masara o Yesusu womadogilioro womalega o Peturusika de Unangoli witaere wato, “Ngona naa hoka o Ibilihi dika ma mau naniiki! Ho ahi poretoko nomahiwalimoka! Angamoi ani demoino gea idadioka hoka o modoi Ngohino abe yoigo ihitaoko la hiadono ihihiruba Ngohi o howonika. Ibootoka notemo hokogea angamoi gea o nyawa dika manga hininga naniiki, ko Ma Jou ai mauua naniiki abe nako hokogea notemo.”

Matiusu 26:33

De to Yesusu ai demo gea abe ma titi ona ahao iwikokiporete, gea ai demo o Peturusu woihene de ahao womahingahu wotemo de ma buturungu wato, “Ahi Baluhu, ngaro ona naa mata-mata inikokinoaka masara naa ngohi duru ko toninoaua.”

Matiusu 26:41

De ahao o Yesusu wahibehehongoli onangika wato, “Ngini kiani niwangoroka de nimaniata Ma Jouiye la ufa ma dorou inihiatara de inihikala nginika. Igoungu, nia hininga ka yomodeke masara nia badanga ko apoaua!”

Matiusu 26:51

De ahao ka itodokanino de womatengo abe o Yesusu iwinii-niikino womahitigi-tigino de ai humaranga womagoraka de womatengo wioto hiadono ai ngauku wahahangoka. Abe una gea ai ngauku wahahangoka, una manga hidemo Ma Jouiye manga baluhu wokokurutiye ai gilaongo.

Lukasa 9:54

De abe ma oraha o Yakobusu de o Yohanese yoihene ma titi o Samaria ma nyawa manga ngongoluku gea de yotemo o Yesusika ato, “Mia Baluhu, nako Ngona ka nomodeke, koaho irahai ngomi migahoko o uku o Horogaka de manga kaponguku la yahikokibinaaha ona gea.”

Lukasa 9:56

Ho ona yogila-gila dika o kapongo moiikali.

Yohanese 16:9

Abe ma titi o howono, gea Ma Jou o Womaha wahitararono duru itaana abe mangale ma titi ona ko ihingakua Ngohino ho gea yahowonoka Ma Jouika.

Yakobusu 3:10

Ho abeika, nanga uru moiino dika naa de naga ihupu genangino ika o hiowa ma demo de ika o koboto ma dorou ma demo. Ahi gogianongoru, tanu koaho ufa hokogea idadi!

1 Peturusu 3:9

Abe nako hoka idadi abe womatengo wodiai ma dorou nginika, gea ufa nimahibalaha de ma dorou unangika. De nako hoka naga o nyawa iningelo nginika, gea ko idadiua nimahibalaha de o ngelo onangikali. Ufa hokogea nia hininga, masara koaho niagahoko Ma Jouiye la ona gea ahao yamake ma owa Unangino. Angamoi ma oraha niagahoko Ma Jouiye de gea duru imakiniiki de Ma Jou ai hininga abe ma dodihirainohi. Abe naga to Una ai hininga ma dumutu la wahiowa o nyawa-nyawaika, de woigo la ngone naa hodadi to Una ai hiowa ma ngekomo la ai hiowa gea adaene o nyawa utuika. Ho nako ngini nianiiki to Una ai hininga de ma owa niagahoko ma titi ona abe inihikangela nginika, gea ahao ka idadi ai hiowa itagi onangika. De hongoli nginioo niamake ma hiowa Ma Jouoka de aino angamoi to Una ai mau ngini nianiikoka.

Himatoko 3:19

De hokogea ahi higaro ma demo nginika angamoi Ngohi tinidora ngini. De onagona dika tadora, ona gea kiani Ngohi tataere de tadotoko onangika. Ho gea ngini kiani naga nia magawe la nihiniiki Ngohi de nia hininga ma gahumu, de gea kiani ngini nitoba de nilio Ngohino.