Lukasa 9:53 - Ma Jou ai Demo-demo o Totobelohoka

⁵³ Masara o Samaria ma kapongo ma nyawa ona gea ka yoluku iwidafongo o Yesusu angamoi ona yoihene abe Una womaputuhoka wato wogila-gila o Yahudi ma nyawa manga kota o Yerusaleemika. Abe ona iwioluku mangale ma titi o Samaria ma nyawa ko yomahuba-hubaua o Yerusaleeme ma kotaka.

Lukasa 9:53 ပူးပေါင်းရင်းမြစ်များ

Lukasa 9:48

De Una watemo iwinii-niikika wato, “Ufa ngini nioigo la nimahikurutiye masara koaho nia hiningaka de nimahitipokouku. Abeika tinihitararono hokonaa. De onagona dika abe yadafongo o ngofaka hoka naa una mangale ma titi manga hiningaka ato ihihisanangi Ngohino, ona gea taetongo abe ka ma ngofakua dika yadafongo, masara gea Ngohioli naa ma hirete ihidafongoka. De nako Ngohi nihidafongoka, gea ka Ngohiua dika nihidafongo masara ahi Baba abe wohihidingo-dingotino, Unangoo niwidafongoka. Ho onagona dika nginioka abe nimahitipokouku la nialeleani nia gogianongoruika abe biaha o nyawa yaetongo ato ko kia-kiaua manga wowango ma gogere, ka nginiohi gea abe duru nikokurutiye Ma Jou ai himangoka.” Hokogea o Yesusu ai hitararono onangika abe ma titi ka onagonahi de duru yokurutiye Ma Jou ai himangoka.

Yohanese 4:20

Ma, abeika, to ngomi mia totofora yomahuba Ma Jouiye kiani ma lokuoka dokea yaika la genangoka yomahuba. Masara ngini o Yahudi ma nyawa niato kiani o Yerusaleeme ma kotaka dika ka idadi o nyawa yomahuba Ma Jouiye.”

Yohanese 4:9

De o Samaria ma ngofeka gea mopaluhu mato, “Hobata, ngona o Yahudi ma nyawa de ngohi naa o Samaria ma nyawa, ho done sarakia nogahoko o akere ngohino?” Muna mopaluhu hokogea angamoi nako o Yahudi ma nyawa de o Samaria ma nyawa ko yomakigoua hiadono yomahikobohono hiadono ko idadiua ato to ona manga dodai eko manga mangko yapake ihiokere eko ihiolomo ona abe ko manga doomuinoua.