De o Yesusu wogila-gilali wahitararono onangika de wahitiari done ka ihikaika iwilawa-lawana Unangika. Ho Una wato, “De o nyawa onagona dika abe ko ihiduhunua ona gea tanu ihilawana Ngohino. Abe onagona dika ko ihidodiawoua abe homakutuono hatoomuino o nyawa Ma Jouino, ona gea imaketero hoka yahikabarihi o nyawa Ma Jouoka de aino. Ho ona gea abe yahikabarihi, ona duru mimakalawana ona de Ngohi.”
Lukasa 9:50 - Ma Jou ai Demo-demo o Totobelohoka50 Masara o Yesusu Una wopaluhu wato, “Una gea niwihigunoa dika de ufa niwitaere. Angamoi Ngohi tato onagona dika abe ko inilawanua nginika, gea ona de ngini nimakomotekika.” အခန်းကိုကြည့်ပါ။ |
Lukasa 9:50
12 ပူးပေါင်းရင်းမြစ်များ
De ipahaino de o Yesusu de iwinii-niiki yomahiadono o Kapenaumu ma kapongika. De naga genangoka o nyawa yamuruono naga abe ona manga tagongo la o pajaka ma tiwi yatobatoomu o nyawa homoi-homoiino, abe ma tiwi ihipake Ma Jou ai Tau gea. De ona gea yoboa o Peturusino de iwileha ato, “Sarakia, to ngona ani guru Una ko wofangua abe Ma Jou ai Tau ma pajaka ma tiwi?”
De o Peturusu wopaluhu wato, “Nako ngohi, o kokoano gea yogahoko la o homoaino ma nyawa dika yofangu ma pajaka ma tiwi.” De gea o Yesusu wopaluhu wato, “Ho nako hokogea yodiai, gea to ona ma hirete manga ngofa-ngofaka ngaro ufa dika de yofangu!” De ai demoino gea de wihitararono o Peturusika abe tanu ngaro ufa dika o Yesusu wofangu Ma Jou ai Tau ma pajaka ma tiwi gea, angamoi Una wodadi nanga Koano Ma Jou Una ma hirete ai Ngofaka.
De ahao o Yohanese witemo o Yesusika wato, “Ahi Guru, ma moiuku de wiwimake naga o nyawa womatengo, abe una gea o toka-tokata ma dorou wohitito-titoko o nyawaino. Masara ngomi miheranga angamoi wohitito-titoko gea una wafetongo to Ngona ani romanga. Masara una ko wonanii-niikua ngone naa ho gea ngomi wiwihuloko la ibootohi hokogea wodiai.”
De o Yesusu wogila-gila wotemo wato, “De o nyawa onagona dika abe ko ihiduhunua, ona gea ihilawana Ngohino. De onagona dika ko ihidodiawoua la homakutuono hatoomuino o nyawa Ma Jouoka, ona gea imaketero hoka yahikabarihi dika o nyawa Ma Jouoka de aino. De nako yahikabarihi o nyawa, gea mimakalawana ona de Ngohi.”
“De igoungu ko iwa o gilaongo abe ka idadi waleleani ka ma moi ai baluhu yahinootoika. Angamoi gea ai baluhu womatengoika ahao widohata de womatengoikali widora, ekola womatengoikali ai hininga duru itagi unangika masara abe moiikali gea wiemono. De gea ma titi abe ngini ko idadiua niwileleani Ma Jouika nako nia hininga itagi ilamoko o tiwika. Ho koaho nia wowango de nia kiahonanga mata-mataika nimahidoakoka Unangika la ka Una dika niwihitihira nia wowangoka.”
Masara ma oraha naa de ngaro ufa o toka-tokata inibudiohi nginika, angamoi naa ahi demoino de ngohi tinihingahu abe hokokia ka idadi niatailako o nyawa manga demo la nihioriki gea manga demo Ma Jouoka de aino iboa eko gea o toka-tokatoka. Ho naa tinihitiari ma titi abe o nyawa utu yomaaduru dika abe hoka yalufungoka de hiadono ihidemo o hingahu ma demo moi ato bari Ma Jouoka de aino iboa. Ho ma oraha nimatoomuino o gareja moi de nako hiadono naga o nyawa utu nginioka abe yalufungoka de ahao o hingahu ma demo moi ihidemoiye nginika, gea kiani niataili o nyawa gea manga demo la nihioriki o demo o kia Ma Jou o Womahoka de aino de o demo o kia ko Unangokaua de aino. Ho naa tinihingahu tato nako Ma Jou o Womaha wotemo o nyawaino, gea ona ko yotemoua ato, “O Yesusu Una iwihikobotoka.” Abe nako hokogea yotemo, marai ona gea yahitaanoka abe yabarenikaka. Ho ona gea ufa niahigihene onangika done o toka-tokata inibudioli abe hoka ma dihira inibudioka nginika. Masara nako o nyawa yalufungoka de hiadono ona yahingahu ato, “O Yesusu Una gea nanga Baluhu idodutu,” gea manga demo yahitaana onangikali abe Ma Jou o Womaha naga wotemo manga uruino. Hokogea ngini ka idadi niataili o nyawa manga demo la nihioriki gea Ma Jou o Womaha wotemo onangino eko moioli abe ona yabarenika.
ကြော်ငြာတွေ