Lukasa 9:42 - Ma Jou ai Demo-demo o Totobelohoka

⁴² De ma ngofaka gea iwiao o Yesusika, masara abe ko wiadonuahi Unangino de ma tokata iwihiruba dau ma tonakuku de iwihifafara. De gea de o Yesusu wataere ma tokata ma dorouika de wihitogumu ma ngofaka gea ai kokangelaino. De ipaha ma ngofaka gea wigilio ai babaika.

Lukasa 9:42 ပူးပေါင်းရင်းမြစ်များ

1 Kokoano 17:23

De o Elia wigoraka witotiri wihiguti o tau ma goronauku de wihigilio ngoi meme ami giamika. De una wato, “Abeika hobata, ani ngofaka naa ka wowangokali!”

2 Kokoano 4:36

De ahao o Elisa o Gehasi wiahokino de wihuloko, wato, “Ngoi meme nomiahokino.” Ho ka de muna moboa de munangika wotemo wato, “Naa ani ngofaka ho ngona ka nile dika.”

Maruku 9:20

De ma ngofaka gea iwiaoino, masara ka de ma tokata iwimake o Yesusu, de ena gea iwihifafara ma ngofaka de hiadono iwihiruba ma tonakuku. Iwihirubauku de ahao iwilu-lulu aika aino, de ai kibiri iuihi ai uruino.

Lukasa 7:15

De hokogea dika de una wohone-honenge womomiki ai honengino de wogogeruku ma momokuoka de womulaenge wotemo-temo onangika. De ahao o Yesusu womitemo ngoi memeika wato, “Ani ngofaka naa wowangokali ho tihigilio ngonaika.”

Lukasa 9:39

De abeika tonihingahu hokokia idadi unangika. Abe o tokata iwibarene de ka itodokanino de ahi ngofaka wopoa-poaka. De ena gea iwihifafara de hiadono iwidiai la o gabo-gabo ihupu ai uruoka de aino. De ka ihikaika iwihikangela de iwihiodiri unangika ho ko iwinoa-noaua.

Lukasa 9:41

De o Yesusu duru ai hininga ihuha ma titi gea ho wotemo wato, “Adoo! Ngaro ahi dekanoka nginioka masara ngini naa mata-mata ko iwahi nia ngongaku Ngohino! De ngini ka ihikaika nirehene Ma Jou ai ngekomoka de aino! Ho mode muruonoka de ahao nihingaku?” De ahao o Yesusu witemo ma ngofaka ai babaika wato, “Abeika to ngona ani ngofaka niao Ngohino.”

Lukasa 9:43

De ona genangoka yakokimake o Yesusu ai heheranga ma datoro gea de duru yokokiheranga abe ma titi Ma Jou ai kuaha. De abe ma oraha o nyawa gea ka yomakoketemohi ma titi o Yesusu ai heheranga ma datoro wodiaioka, de Una wotemo iwinii-niikika. Ho Una wato,

Yohanese 6:19

Yomahioru de manga buturungu ma gahumu! De ona manga gurutoko modukua o kilo motoa eko butaangaoko de naa o kia gea yamake? Duru yatodokana angamoi gea o Yesusu woboaino wotagi-tagi o ngooto ma lokuino. Ho wotigioka manga ngotirino de duru yatomomonoka.

Hidingoto 9:41

De ahao una womiso ami giama de womihimotekiye la ka idadi momaokoiye. De momaokoino de ahao una wahokino o ngo-ngofeka yofao-fao gea de abe utu iwingaku-ngaku mata-mataika de wahimatoko o ngo Tabita onangika la ka idadi ihioriki abe muna ka mowangokali.

Himatoko 12:12

De ma ilingi gea ka igila-gilahi itemo ato, “Ho gea ngini mata-mata o Horogaka kiani nigogaragoka angamoi o Ibilihi ma haeke gea ikalaka! Masara hiokoo ngini abe nimanoa o dunia ma lokuoka mata-mataika, angamoi o Ibilihi ma haeke iutioka nginiuku. De ena gea duru ingamoholi angamoi to ena ma baha ko itedekanokaua de adonoka, ho ma oraha abe ka idadiohi ma datoro ma dorou idiai, gea ngade-ngade ko iwaka ma oraha, ho duru ingamoholi.” Hokogea ma demo abe ngohi toihene o Horogaka de aino.