Lukasa 9:29 - Ma Jou ai Demo-demo o Totobelohoka

²⁹ De o Yesusu womaniata ai gogiriaka de ka itodokanino ai himanga imaturuuruoka ho idadi o fara moioli, de ai pakeanga gea idadi duru iarehoka hiadono hoiletongo.

Lukasa 9:29 ပူးပေါင်းရင်းမြစ်များ

Yesaya 53:2

Abe Ma Jou ai himatoko ngomino hokonaa. Naga womatengo woboa Ma Jouoka de waino, de una gea hoka ma dori ma hungi ma ngutukino abe ipotoka o tonaka ma duu-dudungiye. Ho una hoka ma diburohi abe ko itogowinuahi ma roehe de una gea ahao wofero ka hiadono wobaluhu Ma Jou ai himangoka. De to una ai rupa hoka o nyawa biaha dika ho nako hahidotelega de o nyawa utu manga rupa de to una ai rupa ko yomalihowonua hato ka unangohi worahai. De ngaro ngone hohidotelega ai pakeanga de hato bote una ko wokurutiyeua hoka o koano manga biaha. Ho ko iwa abe hamake ai rupaino hiadono nanga hininga adaene unangika ma titi ai rupa.

Matiusu 17:2

De yomahiadonoka genangiye de ona yaruange iwilega-lega o Yesusika de to Una ai rupa idadi o fara moioli to ona manga himangoka. Abe to Una ai himanga yamake ngade-ngade imaketero hoka o wange ma dararono angamoi duru kohadararono. De ai pakeanga gea idadi duru iarehoka ho hiadono hoiletongo.

Maruku 16:12

De ahao o Yesusu womahimatokoli ai dodiawo yahinootoikali. Abe ai dodiawo yahinooto gea, ona yohupuoka ma kotaino ho yoiki ma hoanika. De manga dodagi ma goronaka de o Yesusu womahimatoko onangika, masara iwimake hoka o nyawa moioli, abe ai rupa hoka ma dihiraua.

Lukasa 3:21

De abe ma oraha o Yohanese ko iwitaokuahi ho ka watobaohi-ohikohi o nyawa ko manga ngoeika, de naga ma wange abe o Yesusu woboaino de Unangoo wiohiki. De o Yesusu wiohiki ibootino de ahao womaniata. De womaniata ai gogiriaka de o Horoga ifelenga.

Lukasa 5:16

Masara o Yesusu ma ngoe womatingaka o nyawaka de aino o tonaka ma kakaahaika la ka idadi womatengoka dika womaniata genangoka.

Lukasa 6:12

De ipahainoli de o Yesusu woiki wodoa o loku moiiye la dakenangoka womaniata. De Una ka iwihidetebiniye abe ko wotogu-togumua womaniata Ma Jouiye.

Lukasa 9:18

De o wange moiukuoli de o Yesusu naga womaniata de abe iwitobanii-niiki ka ona dika naga Unangoka. De ahao Una waleha onangika wato, “Abe ngini niihene o nyawa yowoe-woeino, ona gea yafikiri ato Ngohi naa onaguna?”

Lukasa 9:30

De ka itodokanino naga yahinooto genangoka abe yomakoketemo de o Yesusu, abe ona gea o Musa de o Elia.

Yohanese 1:14

O Demo Una womahidadioka o nyawa la gea ka idadi wogogere ngone o nyawa nanga hidogoronaka. De ngomi abe wiwinii-niiki miamakeokau ai medebini ma dararono. De ka Ma Jou o Babaino dika wamake ai medebini ma dararono gea. Una Ma Jou ai Ngofaka womatengoka ho duru ai hiningaka iwiomangoka o dora ma ngango de mata-mata wodiai gea inahimatoko Ma Jou ai hininga ma gou-goungu.

Hidingoto 6:15

De ma oraha gea ona mata-mata manga hihira ma doomuoka ona iwikokidamaana o Setefanusika angamoi to una ai himanga idadi duru itararonoka ho imaketero dika abe hoka o malaekatoli ma himanga ma dararono.

Himatoko 20:11

De gea ipaha de ahao ngohi tamake o pareta ma kadera ma hohailoa moi ma gare-garehe abe duru kohaamoko. De Una abe naga wogogerukuoka ma kaderauku, Unangoo timake. De ka itodokanino de o dunia de ma dihangoo ka aiaho de ko iliokaua, abe gea hoka iloara Ma Jou ai himangoka de aino.