Lukasa 9:25 - Ma Jou ai Demo-demo o Totobelohoka

²⁵ Ho naa tinileha. Done o kia o nyawa manga utumu nako o nyawa o kiahonanga mata-mata o dunia ma amokika yomaleinoka, masara ka de ma oraha yohonenge de duru yomakitingaka ma gurutika Ma Jouino angamoi o Narakaka? Gea manga utumu duru ko iwa!”

Lukasa 9:25 ပူးပေါင်းရင်းမြစ်များ

Matiusu 13:48

De gea aomangoka ho ona yotobahoma-homa ona yatauriha manga homa gea dina ma dudungiha. De genangoka yogogeruku ho yairiki ma nawoko gea la abe duru ma rorahai haolomo gea yonoa ma ngiuku, masara abe ko irahaiua haolomo ma nawoko gea ka yaumoka dika.”

Matiusu 13:50

De o dorou ma nyawa gea ka yaumoka dika o uku ma goronaika. Abe genangoka to ona manga hohowono duru kohadubuho ho hiadono ona ahao yopoa-poaka ma amokiye de manga ingiri ka ihikaika ihidokagoli angamoi ma titi ko yapoaua manga odiri.” De hokogea ahi hiketero ma demo.

Matiusu 16:26

“Ho naa tinileha. Done o kia o nyawa manga utumu abe nako o kiahonanga mata-mata o dunia ma amokika yomaleino, masara ka de ma oraha yohonenge de duru yomakitingaka kohagurutika Ma Jouino angamoi yomanoa o Narakaka? De mode naga o kia ho ato ka idadi yomabangu la ato manga wowango amake ka hiado-adonika? Gea duru ko iwa!”

Maruku 8:36

“Ho naa tinileha. Done o kia o nyawa manga utumu nako o nyawa o kiahonanga mata-mata o dunia ma amokika yomaleinoka, masara ka de ma oraha yohonenge de duru yomakitingaka ma gurutika Ma Jouino?

Hidingoto 1:18

De to Yudasa ai datoro ma dorou ma hewaino de gea ena ihiija o tonaka moi. De duru genangoka abe una wohonenge angamoi iwiotaka duru de ai dubuho womotumuku ma tonakuku hiadono ai pokoro idilongo ho ai wariki ihupu imata-mataino.

1 Korintusu 9:27

De gea ma titi hiadono ngohi ahi badanga naa duru tohipareta de tomaribuutu hiadono idadioka hoka o gilaongo. De igoungu ngohi o Abari ma Rorahai tahingahuoka o nyawa utuika la ona ahao ka idadi manga utumu yamake o Horogaka. Masara ngaro hokogea, ma, ngohi ahi wowangoka naa de kiani ka ihikaika ahi badanga tohipareta done torehene de ahao ahi wowango ma bahaika tomahiadono de ngohi ma hirete ko tamakeua ma utumu gea. De gea duru o hiokoo ma amoko nako hiadono idadioka abe ngini tinihingahu-ngahuoka ahao ma utumu niamake masara ngohi naa ko tamakeuali.

Ibarani 10:34

De abe ma dihiraino nia gogianongoru utu yataokino de yabuika, gea nginioo nia hiningaka de hoka niamao manga kangela abe imaketero hoka to onangoli manga hiningaka. De nagali idadi ma dodihiraino abe ti ngini nia kiahonanga o nyawa yomahitoonaka. De ngaro hokogea idadioka masara ti ngini nia hiningaka ko ihuhaua masara tanu naga de ma garagohi, angamoi ngini nihiorikoka abe ti ngini nia utumu abe nagau o Kristusoka, ka enangohi duru ihohailoa nako de o duniaka ma kiahonanga. De gea nihiorikoo abe nia utumu Unangoka gea duru ko idadiua ihihanga ka hiado-adonika. De hokogea ti ngini nia wowango ma dodihiraino gea, ho ufa hiadono nia hininga ma rorahai gea niawohanga abe gea ena nia ngongakuoka de aino.