Lukasa 9:20 - Ma Jou ai Demo-demo o Totobelohoka

²⁰ De ahao Una waleha onangika wato, “De nako ngini naa, ngini niato bote Ngohi onaguna?” De o Peturusu wipaluhu o Yesusika wato, “Ngona naa o Mesia, mia Koano abe ma dihira Ma Jou womihibehehongoka.”

Lukasa 9:20 ပူးပေါင်းရင်းမြစ်များ

Matiusu 22:42

De Una waleha onangika wato, “De naa Ngohi tinileha moi nginika la ti ngini nia hininga sarakia, de hokonaa ahi leleha. Nako Ma Jou ai Mesia eko ai Koano abe ma dodihiraino de Una wonahibehehongoka, gea Una to onagona manga totoforaino womaboa? Sarakia ngini?” De ona yopaluhu ato, “De Una gea nanga koano ma dihiraino o Dautu ai toforaukuino womaboa.”

Matiusu 26:63

Masara o Yesusu ka womarii-riidoka dika, ko wopaluhua. De una gea witemoli Unangika wato, “De naa ngohi tonihibehehongo Ngonaika la nopaluhu ahi leleha ma demo abe bootino tonileha, de naa tofetongo to ngone nanga Jou Wotobawango ai romanga ho kiani nopaluhu. De naa tonileha hokonaa, Sarakia, Ngona naa igoungu nanga Koano abe Ma Jou wonahibehehongoka, de Ngona naa to Una ai ngofaka?”

Matiusu 5:47

“Ho nako ngini naa nimakao irahai de nia dodiawo dika de nako o nyawa utuika niao ko irahaiua, gea done sarakia ti ngini nia hininga? Angamoi gea ka imakadaene dika de o nyawa manga hininga abe ko iwihiorikuahi Ma Jou. Masara nako ngini de ona de tanu koaho ka nginiohi nia hininga irahai abe o nyawa mata-mataika.”

Maruku 14:61

Masara o Yesusu ka womarii-riidoka dika, ko wopaluhua. De una gea wilehali o Yesusika wato, “Sarakia Ngona naa igoungu nanga Koano abe Ma Jou wonahibehehongoka? Una abe duru Wotebi-tebini, Ngona naa to Una ai ngofaka?”

Maruku 8:29

De o Yesusu walehali iwinii-niikika wato, “Masara nako ngini, niato bote Ngohi naa onaguna?” De o Peturusu wipaluhu o Yesusika wato, “Ngona gea o Mesia, mia Koano abe ma dihira Ma Jou womihibehehongoka.”

Lukasa 22:67

De ona iwileha Unangika ato, “Sarakia, Ngona nagou-goungu nanga Mesia abe ma dodihirainohi de Ma Jou wonahibehehongoka la ahao wonahikoano?” De Una wapaluhu wato, “Ngaro hoka Ngohi tomahingahu masara ngini ko nihingakua ahi demoino.

Lukasa 9:19

De abe iwinii-niiki yopaluhu ato, “O nyawa utu ato Ngona o Yohanese Wotobaohi-ohiki, de utuoli ato Ngona Ma Jou ai uru ma dodofanga ma dodihiraino o Elia eko ai uru ma dodofanga womatengoli abe womomikoka ai honengino.”

Yohanese 1:41

De una ko iwiwa genangoka o Yesusu ai ngioka ho ka de o Andareasa o Yesusu wirekata ibooto de wato, “Naa ko kia-kiauahi todiai la iti ahi riaka o Peturusu timakeokahi la naa tihingahu ma titi nanga guru naa.” Ho duru womataiti wilingiri ai riaka o Simono Peturusu. Ho ka de wimake de wihitodokanika wato, “Ngomi wiwimakeoka nanga Mesia.” O romanga o Mesia nako o Yunani manga demo gea o Kristusu de gea ma titi Ma Jou ai Behehongo abe ngone o nyawa wonahihohe nanga howonino.

Yohanese 1:49

O Yesusu ai demo gea woihene de o Natanele wohidemo de ai heranga ma demo wato, “Mia Guru, gea mata-mata nohioriki e? Ngona igoungu Ma Jou ai Ngofaka. Ngona o Isiraele ma nyawa manga Koano!”

Yohanese 11:27

Ho o ngo Marata mopaluhu unangika mato, “Ahi Baluhu, igoungu, duru tangaku Ngona naa o Mesia, Ma Jou ai Ngofaka, abe Una Ma Jou wohibehehongoka wato ahao woboa o duniauku, gea Ngona naa.”

Yohanese 20:31

Masara abe tohingohamoka o bukuoka naa, gea tohitulihuku la nginioo ka idadi niwingaku abe o Yesusu Una o Mesia de Unangoo Ma Jou o Ngofaka. Abe o Yesusoka de aino ngini ka idadi niamake o wowango ma ngango ka hiado-adonika.

Yohanese 4:29

De mahigaro onangika mato, “Niaino! Nihiniiki ngohi! Gea Una doka naga nanga humuoka wogogeruku wohihingahu abe hokokia ahi datoro mata-mata. Abeika la nginioo niwilega, bote Una gea o Mesia eko sarakia?”

Yohanese 4:42

De ahao yotemo o ngofekaika gea ato, “Ma titi abe ngona ihira nomihingahu hiadono ngomi wiwingaku, masara naa wiwingaku angamoi ngomi ma hirete wiwimake de miihene ai demo abe Una ma hirete womihingahu. Ho naa duru mihiorikoka abe igoungu Una gea o nyawa o duniaka wahihohe manga howonino.”

Yohanese 7:41

De o nyawa utu ato, “Marai Una gea Ma Jou ai Behehongo hihiromanga o Mesia.” Ma, naga ona utu yoleha ato, “Ho done sarakia o Mesia gea o Galilea ma nyawa?

Hidingoto 17:3

De ai higaro ma demo ma goronaka de wahitararono onangika ma titi hokokia Ma Jou ai uru ma dodofanga duru ma dodihirainohi de inahingahuokau abe kiani Ma Jou ai Mesia iwihikokangela de iwihohonenge, de hiadono iwihimomikoli ai honengoka de aino. Abe wohidotoomuino ai demo onangika wato, “O Yesusu abe naa tinihingahu-ngahu nginika, Una gea Ma Jou ai Mesia!”

Hidingoto 8:36

De abe manga dodagi ma goronakahi de manga kereta imahitigino de o akere, ho una witemo o Filipusika wato, “Abeika, naga genangoka o akere! Ho boteua ngohi ka idadi tomaohiki naangoka dika!”

Hidingoto 9:22

De abe ma oraha o Saulusu wahikodoku Ma Jou ai Demo-demo o nyawaika de ai demo ka idogo-dogo iputurungu, ho hiadono o Yahudi ma nyawa abe o Damasiki ma kotaka ko idadiua iwihikala ai demoino. De ai demoino gea de wihitaana abe o Yesusu Una duru wagoungu Ma Jou ai Mesia abe ma dodihiraino de wihibehehongoka wato ahao wihidingoto ngoneuku.

1 Yohanese 5:1

De onagona dika yongaku abe ma titi o Yesusu Una gea nanga Koano abe Ma Jou wonahibehehongoka, ona gea mata-mata yomaboaka Ma Jouino ho yodadi to Una ai ngofa-ngofaka mata-mataika. Ho to Ma Jou ai ngofaka mata-mataika, onangika gea abe ngone kiani hakokidora. De gea nako hoka hidora nanga gianongoru womatengo abe de ai ngofakoka, gea itararonoka abe to una ai ngofa-ngofakikaoo hadora onangika angamoi ona yomaboa unangino gea.