Lukasa 9:18 - Ma Jou ai Demo-demo o Totobelohoka

¹⁸ De o wange moiukuoli de o Yesusu naga womaniata de abe iwitobanii-niiki ka ona dika naga Unangoka. De ahao Una waleha onangika wato, “Abe ngini niihene o nyawa yowoe-woeino, ona gea yafikiri ato Ngohi naa onaguna?”

Lukasa 9:18 ပူးပေါင်းရင်းမြစ်များ

Matiusu 14:23

De o nyawa ko manga ngoe gea wahulokoka de Una woiki o lokuiye wodoa la wato womaniatohi. De ahao ifufutuku de o Yesusu Una ka womatengokahi o lokuokahi.

Matiusu 26:36

De ahao o Yesusu wao ona iwinii-niiki o ngi moiikali ihiromanga o Gesemani. De yomahiadonoka de o Yesusu wotemo wato, “Nimagoo-gogerohi nenangoka, Ngohi dokengika toiki tomaniatohi.”

Lukasa 11:1

De o wange moiukuoli de o Yesusu de iwinii-niiki naga o ngi moioka de Una womaniata. De womaniata ipaha de womatengo iwinii-niikino woboa de wogahoko Unangika wato, “Mia Baluhu, ngomi migahoko la Ngona nomidotoko abe hokokia itiai mimaniata, abe imaketero hoka o Yohanesoli naa ma duru wadotokoka iwinii-niikika.”

Lukasa 3:21

De abe ma oraha o Yohanese ko iwitaokuahi ho ka watobaohi-ohikohi o nyawa ko manga ngoeika, de naga ma wange abe o Yesusu woboaino de Unangoo wiohiki. De o Yesusu wiohiki ibootino de ahao womaniata. De womaniata ai gogiriaka de o Horoga ifelenga.

Lukasa 6:12

De ipahainoli de o Yesusu woiki wodoa o loku moiiye la dakenangoka womaniata. De Una ka iwihidetebiniye abe ko wotogu-togumua womaniata Ma Jouiye.

Lukasa 9:19

De abe iwinii-niiki yopaluhu ato, “O nyawa utu ato Ngona o Yohanese Wotobaohi-ohiki, de utuoli ato Ngona Ma Jou ai uru ma dodofanga ma dodihiraino o Elia eko ai uru ma dodofanga womatengoli abe womomikoka ai honengino.”

Lukasa 9:28

De o Yesusu wahingahu gea mata-mata onangika de ahao ngade-ngade o wange tufange ipahaika de o Yesusu wodoa o lokuiye la womaniata dakenangoka. De Una wahoko o Peturusu de o Yakobusu de o Yohanese la ona yomakiniiki yodoa daku o lokuiye.

Lukasa 9:29

De o Yesusu womaniata ai gogiriaka de ka itodokanino ai himanga imaturuuruoka ho idadi o fara moioli, de ai pakeanga gea idadi duru iarehoka hiadono hoiletongo.