Lukasa 8:5 - Ma Jou ai Demo-demo o Totobelohoka

⁵ “Naga womatengo woiki ai redika la wato wohibarihi o bibiti. Ho o bibiti ma gogiriaka wohibarihi de utu ipuraraha ka ma ngekomuku, de gea yadoko-doko o nyawa, de ahao o totaleo iboaino de aolomoka.

Lukasa 8:5 ပူးပေါင်းရင်းမြစ်များ

Dodadi 15:11

De ahao naga o totaleo muruono naga iboa abe to ena ma inomo o aewani ma honenge. De o totaleo gea ikokitangi o aewani ma honenguku gea la aolomo masara o Abaraama wogoana, ho o totaleo mata-mata gea wakiniiki la iloara.

Matiusu 13:37

De o Yesusu wopaluhu wato, “Ka idadi tinihitararono nginika. Ho hokonaa ma titi. Abe womatengo wotobaredi de wohibarihi ma pine ma bibiti ma rahai, una gea tanu tomahiketero Ngohi naa o Nyawa ma Ngofaka abe toboa o Horogaka de tauku.

Matiusu 5:13

De ahao o Yesusu wohigila-gilali ai dodotoko onangika de Una wodiai o hiketero wato, “Ngini naa nia wowango o duniaka imaketero hoka o gahi abe hohidogo nanga inomuku. Angamoi o gahi yoduhunu nanga inomika la ma mao irahai, de hokogenangoo de ti ngini nia wowangoino la ka idadi niaduhunu nia date-datekika la onangoo yao manga wowango irahai. Masara nako o gahi la to ena ma magahi ko iwaka, gea done sarakia? Ka idadiohi o gahi gea yoduhunu utuikali? Ko idadiokaua! Ho sarakia ngone hodiai enangika la ma magahi ilioli hoka ma dodihirali? Genangoo ma ko idadiuali! De ma gahi gea abe ma magahi ko iwaka, gea ahao o nyawa yaumo dika o ngekomika la o nyawa ka yadoko-doko dika, angamoi duru ko iwaka ma utumu genangino ho ka parahaja dika. Ho ngini kiani nigila-gila abe nia wowango niao irahai la genangino idadi abe ka ihikaika niahiutumu o dunia ma nyawaika, de gea ti ngini nia wowango duru ko parahajaua.”

Maruku 4:15

Ho o bibiti gea ipuraraha ma ngekomuku gea ihihanga imaketero hoka ona gea yoihenino Ma Jou ai Demo-demo ma ko itedekanuahi de o Ibilihi ma haeke iboaino onangika de idiai la yawohanga Ma Jou ai Demo-demo abe yoihenoka.

Lukasa 8:4

De o wange moiukuoli naga o nyawa ko manga ngoe abe yoboaino o kapongo amomoiino la ka idadi yotoihene o Yesusu ai demoika. De Una wodiai o hiketero ma ade-ade moi abe wotemo wato,

Lukasa 8:6

De utu ipuraraha ka o hakaruku abe ma tonaka ko ipirinukua, de o bibiti gea iwangoiye. Masara ka de yodihiwara de o pine gea amaai ho ikokimoraaka angamoi to ena ma akere ko iwedonua.

Ibarani 2:1

Ho mangale ma titi naa ma duru Ma Jou wonatemoka abe to Una ai Ngofakino, de ma titi abe ka Unangohi duru wokokurutiye nako de o momalaekata, ho ngone naa kiani duru hohidodiai hototoihene de haniiki ma hingahu ma demo abe ngone hoihenoka, done genangoka de aino horehene,