Lukasa 8:48 - Ma Jou ai Demo-demo o Totobelohoka

⁴⁸ De o Yesusu womitemo munangika wato, “Ngohi ora, ma titi ani ngongakuino hiadono naa ngona notogumoka. Ho ngaro ka nolio de ani hininga ma miriidi.”

Lukasa 8:48 ပူးပေါင်းရင်းမြစ်များ

2 Kokoano 5:19

De o Elisa wipaluhu, wato, “Marai nolio dika, de Ma Jou ani hininga mata-mata wohioriki ho tonganono la noiki de ani hininga duru de ma riidoka.” Hokogea yomakoketemo ibooto de yomahiketehilooa de ahao o Naamana de ai nyawa ona yosobo yolio o Arama ma tonakika.

Huhupu 4:18

Ho o Musa wolio ai toroa o Jitorika de womahidemo ai toroaika wato, “Toroa ngohi togahoko la nohihigunoa la toikohi ahi gogianongoru tatutumohi o Mesiiroka, mode naga ahi gogianongoru doka ka yowangohi.” Hokogea wogahoko de ai toroa o Jitoro wato, “Ka idadi, ngini niloiki dika ma iti nimahidodiai.”

Matiusu 12:20

De ngaro womatengo abe ai ngongaku ko iputurunguahi masara ahi Huhuloko gea wibole-bole dika unangika ho ko waruwaeua ai ngongaku. De ngaro womatengo ai nganganono Ngohino ka ietekohi imaketero hoka o uku ma dokara ma eteteke, masara ahi Huhuloko ko wahonengua abe una gea ai nganganono, masara ka wihigaro dika unangika la ai nganganono ka ifero. De ahi Huhuloko Una gea ka ihikaika wao irahai o nyawaika abe de ai hininga ma dodipokoukuino. De ona gea ahao yamake to Ngohi ahi totiai ma titi abe ahi Huhuloko ai hininga ma bole-boleino gea.

Matiusu 8:13

De o Yesusu witemoli o Roma ma tentara manga haekika wato, “Ngona ka idadi nolio dika, angamoi naa idadioka abe duru imakiniiki de ani ngongaku ma demoino.” De duru ma oraha gea dika de to una ai duduhunu abe ka o goohi una wotogumoka.

Matiusu 9:2

De yomahiadonoka genangoka de naga womatengo wolugu-lugu abe ai dodiawo iwiao o Yesusino. De wolugu-lugu gea una ka womaiduoka dika ai nanaooka. Ho ka de o Yesusu wamake wolugu-lugu gea de ai dodiawo abe iwiaoino de wahioriki abe ona mata-mata manga hiningaka de duru iwingakuoka Unangika. De mangale manga ngongakuino gea ho o Yesusu witemo wolugu-luguika wato, “Ahi ngofaka, ufa ani hininga ihuha, angamoi naa ani howono Ma Jouika Ngohi takokiofioka.”

Matiusu 9:22

Ho ka de maso ai bajuika de o Yesusu womadogilioro de womitemo munangika wato, “Ngohi ora, ufa ani hininga ihuha, angamoi ma titi ngona naa ani ngongakuino hiadono notogumoka.” De duru ma oraha gea dika de to muna ami kangela ko iwaka.

Maruku 5:34

De momangaku ibooto de wotemo munangika wato, “Ngohi ora, inihitogumoka ma titi ani ngongakuino. Ho naa ani hininga isanangioka de ka idadi nolio, angamoi ani kangela gea ko iwaka.”

Lukasa 17:19

De o Yesusu witemo unangika abe ai louoka wato, “Naa ka idadi nomaokoiye de nogila-gila ani dumutika. De ngona notogumoka gea ma titi ani ngongakuino Ngohino.”

Lukasa 18:42

De o Yesusu wotemo wato, “Naa tonihitogumoka la naa ka idadi nomahioriki! De gea ma titi ani ngongakuino Ngohino hiadono inihitogumoka!”

Lukasa 7:50

De ahao o Yesusu wotemoli ma ngofekaika gea wato, “To ngona ani ngongaku iniduhunoka ani howo-howonino, ho naa ngona ka idadi nolio dika ani tauika de ani hininga de ma riidoka.”

Lukasa 8:47

De ma ngofeka gea mamake abe o Yesusu womihiorikoka ho momahitigino Unangino masara ami badanga ifa-fafara ma titi ami hawana. De momahitigino de momamotumuku ai himangoka, de genangoka o nyawa mata-mata manga hima-himangoka de momahitararono abe ma titi ami kangela hokokia hiadono miso o Yesusu ai bajuika gea, de abe hokokia duru ma oraha misoika de motogumoka.

2 Korintusu 6:18

“De ahao Ngohi todadi ti ngini nia Baba ho ngini ahi ngofa-ngofaka o nau-nauru de o ngo-ngofeka.” Hokogea ma dodihiraino ihitulihukuoka to Ma Jou Wokokurutiye ai demo abe wotemoka. Ho to ngohioo ahi demo imakiniiki de to Unangoli, abe duru tinihitiari tato ufa nimahidiliko onangika abe ko iwingaku-ngakua.

Ibarani 4:2

De gea igoungu abe ona ma dodihiraino naga Ma Jou ai hingahu ma demo ma rorahai ona yoihenoka abe ma titi nako yomahiadono ma tonakika gea de ahao ka idadi yomahiaini de de Ma Jou genangoka. De ngaro ngone naa, ma ngoneoo nengokadauino de naga o hingahu ma demo ma rorahai abe inahingahu-ngahuoka ngoneino, de gea ma titi nanga hiaini Ma Jouoka. Masara abe ona gea ma dodihiraino, ona gea ko yamakeua ma utumu ma hingahu ma demoino angamoi ona ko yangakua ma demoika gea abe yoihenoka.

1 Samuele 1:17

De o Eli wopaluhu wato, “Nako gea ngona naa ka idadi nolio de ani hininga iriidi. De angamoi o Isiraele ma nyawa nanga Jou ahao wonihidoaka ena gea abe ngona nomagahoko Unangino.” Hokogea womilaru o ngo Hanaika.