Lukasa 8:47 - Ma Jou ai Demo-demo o Totobelohoka

⁴⁷ De ma ngofeka gea mamake abe o Yesusu womihiorikoka ho momahitigino Unangino masara ami badanga ifa-fafara ma titi ami hawana. De momahitigino de momamotumuku ai himangoka, de genangoka o nyawa mata-mata manga hima-himangoka de momahitararono abe ma titi ami kangela hokokia hiadono miso o Yesusu ai bajuika gea, de abe hokokia duru ma oraha misoika de motogumoka.

Lukasa 8:47 ပူးပေါင်းရင်းမြစ်များ

Higiriiri 2:11

Ngini kiani niwimodongo Ma Jou o Yaweika la niwileleani itiai, De nia horomati niwihigiriiri Unangika hiadono nifafara, De nia garagoo naga Unangika abe ma oraha niwileleani.

Habaku 3:16

De gea mata-mata toihene de tamake ipaha de ngohi duru tohawana hiadono tofafara ahi badanga ma amokika. Abe ahi uru ma kai itodara / ifafara, de ahi kobongo hoka ko iwaka ma buturungu ho ilamaanoka. De ngaro ngohi tato totagi-tagi ma ko takunokaua ma titi ahi lou ibole-boleoka. Ho ngohi duru tododamaa de tongano-nganono la ma wange adono abe Ma Jou Una woboaino de wahikangela mia musu gea abe ka ihikaika ona imihikangela de imingohama ngomi naa. O Habaku ai higaro ma demo naa ma titi ngaro hokokia ma amoko nanga huha masara ko parahajaua ngone homahinganono Ma Jouika. Angamoi Una dika ka idadi wonahigarago nanga huha ma goronaka ma titi wonahihupuoka nanga howonino. De to Una ai buturungu ka idadi wonahidoaka ngone homoi-homoiino.

Matiusu 28:8

De ma malaekata wotemo ibooto onangika de o ngo-ngofeka gea yomataiti o lungunoka de yosobo yomapopaata de yalingiri abe iwinii-niiki o Yesusu la ka idadi ma malaekata ai demo yadofanga onangika. De gea manga hiningaka de yohawana masara nagaoo manga garago kohaamoko hiadono manga hininga aomangoka de o garago.

Maruku 5:33

De o ngofeka gea moboa Unangika angamoi mamao gea idadioka munangika. De moboaino de duru mohawana hiadono mofafara. Moboa Unangino de momamotumuku ai himangoka de Unangika momangaku mato, “Ahi Baluhu, marai ngohi naa ani bajuika taso angamoi toigo ahi kangelaino totogumu.”

Lukasa 8:46

De o Yesusu wipaluhu wato, “Koua, naga yomatengo abe manga hiningaka ato ihiso la o duduhunu yomamake. De gea tohioriki angamoi tamao abe ahi kuaha ihupu ahi badangoka de aino onangika.”

Lukasa 8:48

De o Yesusu womitemo munangika wato, “Ngohi ora, ma titi ani ngongakuino hiadono naa ngona notogumoka. Ho ngaro ka nolio de ani hininga ma miriidi.”

Hidingoto 16:29

Ka de gea woihene de ma gogoana duru wohawana hiadono wofafara, de una wahoko ai dodiawoika la o oboro yaoino la ka idadi yomahioriki. De gea yaoino de manga haeke una womataiti wowohamika o Paulusu de o Silasa manga kamarika de womamotumuku manga himangoka.

1 Korintusu 2:3

De naa tomahingahu dika abe ma oraha gea toboa nginika de ahi hiningaka ko iputurunguahi, ho duru tohawana dika ka hiadono tofafara.

2 Korintusu 7:15

De nako ma dihiraino de ma oraha naa, ma oraha nenangohi de o Titusu ai hininga ma dora itagi ilamoko nginika, angamoi una ka wohiningahi abe hokokia niwidafongo una de nia horomati ma amoko. De una wohiningaoo abe ma titi ngini niwihigihene ai demoika.

Filiipi 2:12

Ahi gogianongoru abe duru tinidora, nengokadau abe ma oraha ngohi nagahi nginioka de ti ngini nia hingounu Ma Jou ai mauika ka ihikaika naga. Masara ma oraha naa ngohi ko ihiwa nginioka. Ho togahoko ngaro ngohi ko ihiwa nginioka, masara kiani ka ma oraha nenangohi de ti ngini nia hingounu Ma Jou ai mauika idogo duru ko iwa ma hoana. Kiani duru ka ihikaika ngini homoi-homoi Ma Jou ai mau nianiiki ka hiadono ma bahaika, la o wowango ma ngango imahilaku nia kokiwowangoka. De gea Ma Jou ai mau nianiiki, kiani duru nimahinganono Ma Jouika dika, de kiani naga nia horomati ma gou-goungu Unangika.

Ibarani 12:28

De nako to ngone nanga ngi Unangoka abe ahao Una genangoka wonahikoano, gea hohiorikoka abe nanga ngi gea ko idadiua ihikelu-kelu masara itongohono ka hiado-adonika. Ho irahai ngone naa hasoino Ma Jou ai hininga ma owa ngoneino de hiadono homahuba-huba Unangika abe hoka itiai Ma Jouika homahuba, abe gea de nanga horomati Unangika de nanga hawana to Una ai hohowonika la ufa Unangoka de aino horehene.

1 Samuele 16:4

Ho o Samuele ai behehongo Ma Jou o Yaweino gea waniiki itiai. Masara ma oraha woboa o Beteleheemino de o kota ma dimo-dimono ka de iwimake o Samuele de yohawana ho iwileha o Samuelika, ato, “Mia baluhu, o kia ma howono nenangoka hiadono naa noboa nomitutumu? Eko sarakia, ngona naa noboa o dame dika nomigao?” Hokogea yotemo de manga hininga ma hawanoka.