De o wange moiukuoli o Yesusu naga o tau ma goronaka wadotoko o nyawaika, de naga genangoka yamuruono naga o Farisi manga doomuino ma nyawa de ona abe yotobadoto-dotoko o Musa ai Paretaino. De manga hihira gea o kapo-kapongo de o kota ma getongo yoboaino la iwimake o Yesusu. Abe utu o Galilea ma tonaka ma kapo-kapongino yoboa, de utu o Yudea ma tonakoka de yaino, de naga utu abe yoboa o Yerusaleeme ma kotaka de yaino. De ma oraha gea de nanga Baluhu idodutu ai kuaha duru ma amoko imanoa o Yesusoka la ka idadi wahitogumu o nyawa abe manga popanyakeino.
Lukasa 8:46 - Ma Jou ai Demo-demo o Totobelohoka46 De o Yesusu wipaluhu wato, “Koua, naga yomatengo abe manga hiningaka ato ihiso la o duduhunu yomamake. De gea tohioriki angamoi tamao abe ahi kuaha ihupu ahi badangoka de aino onangika.” အခန်းကိုကြည့်ပါ။ |
Lukasa 8:46
4 ပူးပေါင်းရင်းမြစ်များ
De ma ngofeka gea mamake abe o Yesusu womihiorikoka ho momahitigino Unangino masara ami badanga ifa-fafara ma titi ami hawana. De momahitigino de momamotumuku ai himangoka, de genangoka o nyawa mata-mata manga hima-himangoka de momahitararono abe ma titi ami kangela hokokia hiadono miso o Yesusu ai bajuika gea, de abe hokokia duru ma oraha misoika de motogumoka.
Masara nako ngini hokogenangua. Angamoi ngini naa nidadioka to Una ma hirete ai nyawa duru ma hohailoa. De nidadioo o hidemo ma nyawa abe niwitobaleleani nanga Koano Ma Jouika. De ngini o doomu moi abe nitebi-tebini angamoi Una womadingakino ngini la nidadi to Una ai nyawa. De gea ngini nidadioka to Una ai nyawa la Ma Jou ai hininga ma datoro ma hohailoa ngini niahingahu-ngahu o nyawaika. De ngini duru nihiorikoka ai datoro ma hohailoa gea, angamoi Una nengokadauino de winihihupuoka o fufutu ma kuahaka de aino de winihigogeroli to Una ai dararonoka abe duru ihohailoaholi. Ho to Una ai datoro gea abe ngini kiani niahingahu-ngahu o nyawa-nyawaika.
ကြော်ငြာတွေ