Lukasa 8:44 - Ma Jou ai Demo-demo o Totobelohoka

⁴⁴ Ho manga dodagi ma goronaka de muna moboa o Yesusu ai poretino de ai baju ma barenika maso. De ka de maso enangika de motogumoka ami kangelaino gea, abe ami awunu ko ihupuokaua.

Lukasa 8:44 ပူးပေါင်းရင်းမြစ်များ

Huhupu 15:26

Abe ai demo onangika wato, “Ngini nako nihiao irahai de nihidodiai nihihigihene Ngohi Ma Jou o Yawe, ti ngini nia Jou, de Ngohi tiniduhunu. Abe nako nianiiki itiai ahi hiaturu de ahi pareta mata-mata de Ngohi ahao ko tinihikangelaua de o popanyake abe hoka ma dihiraino de tahihohowono o Mesiiri ma nyawaika. Ngohi naa Ma Jou o Yawe abe ahi kuaha naga o popanyakeika hiadono Ngohi ka idadi tiniduhunu.” Hokogea Ma Jou wahitiari o Isiraele ma nyawaika.

Maleaki 4:2

“Masara ngini onagona dika abe naga nia horomati de nia hingounu Ngohino, gea duru nimakohowono de ona abe tahohowono ma oraha gea. Abe ngini ahao nia wowango ma datoro ma totiai imahilaku nginioka hiadono duru nigogarago. De mangale ma titi nia datoro ma totiai ahao ka idadi inihitogumu nia kangelaino. Ho ma oraha gea de ngini ko niakunua niatumungu nia gogarago ho hiadono ka inihirarama nia garago gea. Abe ngini niamao nimaketero hoka o totaleo abe ihihupu ma kurungaka de aika ma homoaika la ihoho aika aino.

Matiusu 20:34

De o Yesusu ai hininga ma dora ma hiokoo duru itagi ona yahinooto yorafi-rafika ho wakokisoika manga lakoika. De ka de wakokisoika de yotogumoka ho ka idadi yomahioriki! De ahao ona yahinooto onangoo iwiniiki o Yesusu abe yotagi-tagi ma ngekomoka.

Matiusu 8:3

De o Yesusu wisoika unangika de witemo wato, “Ngohi ka idadi tomodeke toniduhunu, ho naa ngona notogumoka!” De ka de wotemoka de ka itodokanino to una ai pado iaikoka ho wotogumoka.

Matiusu 9:20

De ahao manga dodagi ma goronaka de naga momatengo abe o ngofeka yomakamake de duru muna mokangela ma titi ami mede. De muna gea ami taongo ngimoi de hinooto ibooto mokangela. Ho ka itodokanino de muna gea moboa o Yesusu ai poretino de o Yesusu ai baju ma barenika maso,

Maruku 6:56

Ho o kiaika dika waika, ngaro o kapo-kapongika eko o kota-kotaika, eko ma ngi o kia-kiaka dika abe biaha o nyawa genangoka yomatoomuino, masara genangoka o nyawa yakokelengauku yopopanyake. De gea duru yogaho-gahoko Unangika la ato iti ka idadi ai baju ma barenika yomahisoika. De gea onagona dika ai bajuika yomahisoika, ona gea manga popanyake ikokitogumoka.

Lukasa 13:13

De hokogea wotemo de womiso munangika, de ka itodokanino motogumoka de momarikotiye abe hoka ma dihirali. De motogumoka de ahao muna duru mihigiriiri Ma Jouika o nyawa gea manga hima-himangoka.

Lukasa 7:38

Ho muna moboaino de momaokoino o Yesusu ai poretino de moari-ari. De to muna ami koongo irerouku to Una ai louuku hiadono yopehaka ai lou. De ahao muna gea mohiehe ai lou de ami tadauru, de mabounu ai louika, de mihituagi ai louuku de ma minya ma hohailoa gea.

Lukasa 8:43

De naga o nyawa yowoe-woeoka o ngofeka momatengo abe duru mokangela ma titi ami mede. De muna gea ami taongo ngimoi de hinootoino ibooto mokangela. De muna gea ma ngoe momahibau yohou-hourika hiadono ami tiwi ko iwaka. De ngaro hokogea ma ngoe momahibau, masara ko mamakeuahi o duduhunu onangino.

Lukasa 8:45

De gea masoika de o Yesusu womadogilioro de woleha o nyawa-nyawaika gea wato, “Ka onagona ihiso?” Masara o nyawa ko moiua yomangaku abe iwiso Unangika. De ahao o Peturusu wotemo wato, “Abeika ona ko manga ngoe yomahiefotika Ngonaika, ho done sarakia ani leleha ma demo gea?”

Yohanese 5:13

Masara una wotogumoka gea duru ko wihiorikua onaguna gea wihitogumu angamoi o Yesusu ko womafetongua de ka de wihitogumoka de o nyawa manga ngoe manga hidogoronaika o Yesusu wowohamoka.

Hidingoto 19:12

Abe hiadono o nyawa yaoino manga gahauku ma gegehe eko manga ngoere ma belaka moi la gea ena iwihiso o Paulusu ai badangino. De ma ngoere gea iwihiso ipahaino de ahao ka idadi yao manga dodiawoika abe yopopanyakeuku eko yakitokata de yagelenga manga badanguku. De gea ka de yagelengauku de yokokitogumoka manga kangelaino, de abe naga de manga tokatoka gea imatitokoka onangino!

Hidingoto 5:15

De mangale ma titi o hidingoto ma nyawa manga datoro yotobadiai, ho o nyawa yopopanyakeoka manga dodiawo ka ihikaika yaoino de yakelenga o ngekomo ma datekoka, abe utu yao ka ma moi de manga ngingidu ma ngi de yakelengauku, de utuoli yao de manga nanao la yakelenga o ngekomo ma datekoka. De genangoka yakelenga la ato ma oraha o Peturusu woboaino de watilakuru de yonganono abe to una ai gurumini dika adaene yopopanyakeuku la genangino de yotogumu manga kangelaino.