Lukasa 8:43 - Ma Jou ai Demo-demo o Totobelohoka

⁴³ De naga o nyawa yowoe-woeoka o ngofeka momatengo abe duru mokangela ma titi ami mede. De muna gea ami taongo ngimoi de hinootoino ibooto mokangela. De muna gea ma ngoe momahibau yohou-hourika hiadono ami tiwi ko iwaka. De ngaro hokogea ma ngoe momahibau, masara ko mamakeuahi o duduhunu onangino.

Lukasa 8:43 ပူးပေါင်းရင်းမြစ်များ

Maruku 12:44

Angamoi ona utu mata-mata manga tiwi ma boloiino ihidoaka masara nagahi ma amoko yagogonika. Masara muna gea, ngaro duru mohuha ma mohidotodoakoka, abe ami tiwi gea ngaro ma hohutulokahi masara ko matumungua.”

Maruku 9:18

Ho abe ma oraha ma tokata iwibarene, gea iwihirubauku ma tonakuku ahi ngofaka, de ai uruoka naga ai kibiri iuihi, de nagali ai ingiri ka ihikaika wohikagoli, de nagali ai badangoli duru itiri-tirihoka. Ho kangano togahoko yahiwoika abe ininii-niiki la tato ma tokata yahititoko unangino, masara ona ko yakunua.”

Lukasa 13:11

De naga genangoka momatengo abe o tokata imibare-barene ami taongo ngimoi de tufangeino ma dekana. De ma titi ma tokata gea hiadono muna mokangelauku abe duru mofugu ho ko idadiokaua momarikoto.

Lukasa 13:16

“De ngini mata-mata kangano nimimake nanga gianongoru naa abe munangoo o Abarahaama ai toforauku momatengo, abe muna imipaki-pakitoka de imibare-barene ami taongo ngimoi de tufange ma dekanino ma titi o Ibilihi ma haeke. Ho naa tinileha, ahi datoro kangano de ngini niato ko itiaiua abe Ngohi tomihihohe ami papakitino ma titi o wange naa o Hiaini ma wange? Nako Ngohi, tamao abe kiani tomihihohe ami papakitino de ahi datoro gea ko ihowonua!”

Lukasa 8:27

Ho o Yesusu ka de woutiha de womatengo o kota ma nyawa abe iwikokitokata wibuhuku ma dudungoka. De iwikitokata una gea ai dekanoka ko iwaka ai pakeanga ho ka ai bululunokahi, de womanoa ko o tauokaua masara o arukoka abe o nyawa manga honenge ihingoha-ngohama o arukika gea.

Lukasa 8:42

angamoi to una ngoi ora abe momatengo dika de ami taongo ngimoi de hinooto, muna gea itigioka ami baha adono. De o Yesusu womodeke ho yosoboka manga dumutu to Yairusu ai tauika gea. De abe manga dodagi ma goronaka de o nyawa yowoe-woe duru iwihideefotino o Yesusino.

Lukasa 8:44

Ho manga dodagi ma goronaka de muna moboa o Yesusu ai poretino de ai baju ma barenika maso. De ka de maso enangika de motogumoka ami kangelaino gea, abe ami awunu ko ihupuokaua.

Yohanese 9:1

Ipahaino de ahao o Hiaini ma wange moioli de o Yesusu wotagi-tagi de wimake womatengo abe ka womahidoboainohi worafioka.

Yohanese 9:21

Masara ngomioo duru ko mihiorikua hokokia idadi hiadono ka idadi womahioriki, de abe o nyawa abe iwihifelanga ai lako onangoo ko miahiorikua. Masara una wobaluhoka ho kiani unangika dika niwileha de una ahao ka idadi winihingahu abe hokokia idadi ai lakoika gea.”

Hidingoto 3:2

De abe ma oraha yomahitigi Ma Jou ai Tauika de naga womatengo wolugu-lugu wogogere Ma Jou ai Tau ma ngoranoka abe ihiromanga ato ma ngorana ma hohailoa. Angamoi o wange-wangeiye ai dodiawo iwiao de iwikelenga ma ngoranoka gea la ka idadi o tiwi womagaho-gahoko o nyawaino ma oraha yowohama Ma Jou ai Tauika. De wolugu-lugu gea ai lou womahidoboainohi, ho duru ma dekanoka woluguku.

Hidingoto 4:22

Abe ma dihiraino wolugu-lugu, una ai ngumuru ai taongo moruata ifoloioka, ho duru ai deka-dekanuku wotobalugu-lugu de ahao iwihitogumu ai kangelaino.