Lukasa 8:40 - Ma Jou ai Demo-demo o Totobelohoka

⁴⁰ De o Yesusu ona yogilio de yomahiadonoka o akere ma ngooto ma honongaika gea. De ma nyawa yowoe-woe genangoka duru iwidafongo de manga hininga ma sanangi angamoi ona nengokadauinohi iwidodamaa.

Lukasa 8:40 ပူးပေါင်းရင်းမြစ်များ

Sosawaro 8:34

“O nyawa abe ka ihikaika ihihigihene ngohi o sosawaro ahi demoino, ona gea abe yamake ma hiowa to ona manga wowangoka. Ho ona abe ka ihikaika ihihigihene gea imaketero hoka o wange-wangeiye yoboa ahi tau ma ngoranino la ka ihikaika yoihene to ngohi ahi demo onangika angamoi ona duru yoigo de manga gimonoka o sosawaro ma demoika. De ko iwa ma oraha la ahi ngorana tatatoko la ko ihimakeokaua ho ka ihikaika ihidamaa genangoka angamoi ona yoigo la onangoo yososawaro!

Matiusu 9:1

De o Gadara ma nyawa ona yogahokoka la o Yesusu wanoa manga tonaka gea de ahao Una de iwinii-niiki yosobo ho yofarenoli manga ngotiroko de yomahihorali o Galilea ma akere ma ngooto ma honongaikali. De manga dumutu gea to Una ai kapongo o Kapenaumika.

Maruku 12:37

De ahao o Yesusu wogila-gila wotemo wato, “Abeika o Dautu wihiromanga nanga Mesia abe Ma Jou wonahibehehongoka wato, ‘Ahi Baluhu idodutu.’ Ho nako igoungu nanga Mesia gea to Dautu ai Baluhu idodutu, sarakia, ka idadiohi ona abe yotobadoto-dotoko o Musa ai Paretaino iwihiromanga ato, ‘Nanga Mesia Una gea ka o nyawa biaha dika angamoi wodadi nanga tofora o Dautu ai totoforaukuino?’ Nako Ngohi, gea duru ko idadiua!” De o nyawa yowoe-woe genangoka duru yogarago ma titi o Yesusu ai demo gea.

Maruku 5:21

De ipaha de o Yesusu womahihorali doka o akere ma ngooto ma honongaika. Womahihoraika de woutiuku doka o akere ma ngooto ma ngigoroka de genangoka naga o nyawa ko manga ngoe yoboa de iwihigororomino.

Maruku 6:20

angamoi ami rokata o Herodese wigoana o Yohanese. Wigoana hokogea angamoi wato, “Una gea o totiai ma nyawa, abe hatoli ko iwa ai howono,” ho wimodongo o Yohanesika. De o Herodese duru woigo wotoihene ma titi o Yohanese ai demo-demo, abe ngaro doka ai hiningaka de duru ipusingi ma oraha woihene ai demo-demo gea masara ka idadiohi ma moi ma moi wotoihene.

Lukasa 19:48

Masara ona yokangela yamake ma ngekomo angamoi o nyawa yowoe-woe duru yototoihene o Yesusu ai demo mata-mataika, ho ko idadiuahi o Yesusu iwitaoko.

Lukasa 19:6

De ahao o Sakeusu una womataiti woutiuku de ona yomakiniiki to una ai tauika. De o Yesusu o Sakeusu widafongo irahai ai tauino duru de ai hininga de ma garagoka.

Lukasa 5:1

De o wange moiukuoli o Yesusu naga o Genesarete ma akere ma ngooto ma ngigorino, abe ma ngooto gea naga ma romanga hinooto, de abe moioli ma romanga o Galilea ma akere ma ngooto. De Una naga ma ngigorino wahingahu-ngahu Ma Jou ai Demo-demo o nyawa yowoe-woeika. Masara ona iwihideefotino la ka idadi yotoihene ai demoino.

Lukasa 8:39

“Tomahilooa, ma koaho ngona nolio dika ani tauika de noade-ade o nyawaika abe ma titi hokokia Ma Jou woniduhunoka.” Ho una gea wosobo wolio de wahingahu-ngahu o nyawa mata-mataika ai kotaka gea abe ma titi hokokia o Yesusu widuhunoka.

Yohanese 5:35

O Yohanese, una gea ka idadi hihiketero de o hilo abe ma oraha itokara ngaro ko itedekanua ma o nyawa ka yahitararono. De imaketero hokogea ngaro ma oraha jai-jaiino dika ma nginioo nisanangi niodogarago o dararonika gea abe niamake o Yohanesino.”

Hidingoto 10:33

De ka de toihene ma malaekata ai demo gea de ahi nyawa tahidingotoka la tonibehehongo. De ngohi duru tosanangi de totarimakase ngonaika abe noboaka ahi tauino naa. Ho naa ngomi nenangoka mimatoomuinoka miododamaa Ma Jou ai himangoka la miato ka idadi miihene ma hingahu ma demo abe nanga Baluhu idodutu wonihidoaka ngonaika.”