Lukasa 8:38 - Ma Jou ai Demo-demo o Totobelohoka

³⁸ Masara ko yosobouahi de ma nauru abe o Yesusu wihititokoka ma tokata unangino, una gea woboaino de womahidemo wato ka idadi unangoo yomakiniiki de o Yesusu. Masara o Yesusu wipaluhu wato,

Lukasa 8:38 ပူးပေါင်းရင်းမြစ်များ

Higiriiri 32:7

Ho Ngona nagou-goungu nodadioka ahi dadatoko ma ngi la o kokangela ko imahilakua ngohioka. Abe Ngona hoka nohihigilolitino de o hilaku ma nyanyianga arihononga, ho duru ko idadiua ngohi tokala.

Matiusu 4:24

De o abari abe ma titi to Yesusu gea o nyawa yomaketeade-ade o Galilea ma tonaka ma amokika de ka hiadono o Siria ma tonakokaoo yomaketeade-ade ma titi o Yesusu, abe o Siria ma tonaka gea igogere o Galilea ma tonaka ma datekoka. Ho ko yotedekanuahi de o nyawa yopopanyake duru ko manga ngoe yao manga gurutoka de yaino o Yesusino la ato Una wahitogumu ona gea. Abe ngaro manga kangela o kia dika naga manga badangoka masara Una wahikokitogumu ona mata-mataika. De ona abe naga de manga popanyakeoka irupa-rupa, abe naga utu manga badanga ma modorou, de utuoli o ibilihi yabare-barene, de utuoli yohone-honenge, de nagali utu abe manga badanga ma kiahonanga ma hononga ihonengoka. Ho ngaro manga badanga ma kangela o kia dika naga, masara Una ka idadi wahikokitogumu ona mata-mataika.

Lukasa 8:28

De una gea ma ngoeoka iwilufungu de o tokata ma kuaha hiadono ai hininga ko itiaiokaua. De o nyawa iwitaokino de iwihidapakiti de o rante o behino ai giamoka de ai louoka. De ngaro hokogea masara una ka watoaka ma rante la wato womahiluasa gea ma papakitino. De nako hiadono watoakoka de biaha ma tokata iwihihira-hira o tonaka ma kakaahaika gea abe ko iwa o nyawa genangoka. Ho naa o Yesusu Una wohuloko o tokata ma dorouika la iwinoaka ma nauru gea. De abe iwikokitokata una gea womalega o Yesusika de wopoaka de womamotumuku ai himangoka. De gea wopoaka de ai ilingi duru ma amokiye wato, “Yesusu, abe Ngona Ma Jou Wokokurutiye ai Ngofaka, done o kia ahao Ngona nodiai ngohino? De naa ngohi duru tomagahoko tato ufa nohihiodiri ngohino!”

Lukasa 8:37

De yoade-ade ibootino de ahao o nyawa abe yogogere o Gerasa ma tonakoka gea de abe ma tonaka imakadatekino onangika, ona mata-mataika yogahoko o Yesusika la Una wanoaka manga tonaka angamoi ona gea duru yalufungoka de manga hawana. De o Yesusu wogilio ma ngotiroko de wofareniye la wato yogilioli doka ma honongaika.

Lukasa 8:39

“Tomahilooa, ma koaho ngona nolio dika ani tauika de noade-ade o nyawaika abe ma titi hokokia Ma Jou woniduhunoka.” Ho una gea wosobo wolio de wahingahu-ngahu o nyawa mata-mataika ai kotaka gea abe ma titi hokokia o Yesusu widuhunoka.

Filiipi 1:23

De gea duru tokangela tomaputuhu, abe tanu daku o Kristusiye toigo tosobo la Una tidodiawo, angamoi enangohi ihailoa.