Lukasa 8:23 - Ma Jou ai Demo-demo o Totobelohoka

²³ De manga dodagi ma goronaka de Una iwikiooko. De abe ai giooko ma gogiriaka de ka itodokanino yadarato ho italoko kohabuturungu o akere ma ngootoka gea ma goronaka. De ma lulu naga ma ago-agomo hiadono yabarene manga ngotiruku de ngade-ngade yahidowooro, ho ona manga bodito yaohana.

Lukasa 8:23 ပူးပေါင်းရင်းမြစ်များ

Lukasa 5:1

De o wange moiukuoli o Yesusu naga o Genesarete ma akere ma ngooto ma ngigorino, abe ma ngooto gea naga ma romanga hinooto, de abe moioli ma romanga o Galilea ma akere ma ngooto. De Una naga ma ngigorino wahingahu-ngahu Ma Jou ai Demo-demo o nyawa yowoe-woeika. Masara ona iwihideefotino la ka idadi yotoihene ai demoino.

Lukasa 8:22

De o wange moiukuoli o Yesusu de abe iwinii-niiki yofare-fareniye o ngotiri moioka de Una wotemo onangika wato, “Abeika ngone hoiki homahihora doka o ngooto ma honongaika gea.” De ahao ona yosoboka.

Hidingoto 27:2

De nagali nanga gianongoru o Arisitarakusu abe una o Tesalonika ma kotaka ma nyawa o Makedonia ma tonakoka, unangoo naga de de ngomi ma oraha gea. Ho ngomi mia ngoe mifarene o kapa moi abe iboa o Adaramitiumu ma kotaka de aino. De ma kapa gea ma dumutu la itulu-tulu moduku ma kota-kotaika abe o Asia ma tonaka ma ngigorino anii-niiki.

1 Korintusu 15:30

De abeika ngomioli naa abe o Abari ma Rorahai miatobahingahu-ngahu. Ngomioka naga ma titi moi dika hiadono ka idadi mia wowango ka ihikaika mimahidoaka, de gea mia nganganono o momomikika. Abe nako ko iwa mia nganganono o momomikika, marai ko hokogenangua midiai.

Ibarani 4:15

De to ngone nanga Hidemo wokokurutiye Ma Jouika, Una gea ka idadi duru wonahioriki abe to ngone nanga hininga ma buturungu ka ikurangohi. Angamoi Unangoo ma dihiraino de iwihiata-atara ma ngoe, de abe o hiatara mata-mataika inadaene ngone o nyawaino, enangoo gea mata-mata iwidaenoka Unangika. Masara ngaro hokogea iwihiata-atara Unangika, masara Una duru ko wahowonua.