Lukasa 8:16 - Ma Jou ai Demo-demo o Totobelohoka

¹⁶ De o Yesusu wogila-gilali wodotoko abe ma titi o abari ma gou-goungu Ma Jouino gea kiani ihingahu-ngahu o nyawa utuika de ufa hiadono atamunuku dika o nyawa manga hiningaka. Ho Una wodotoko de o hiketero moioli wodiai wato, “Nako o nyawa o posi yatufukika, gea ona ko ihidatamunua de o kiarono de o koi ma timioka ko ihingohamua done to ena ma dararono atatokoka. Ko hokogenangua yodiai, masara gea kiani yateruiye to ena ma ngioka la o nyawa abe yowohamino ka idadi to ena ma dararono yamake de yomahioriki.

Lukasa 8:16 ပူးပေါင်းရင်းမြစ်များ

Lukasa 11:33

De ahao o Yesusu wadotoko o nyawa yowoe-woeika abe ma titi o dararono ma gou-goungu, abe Una wotemo wato, “Nako o nyawa o posi yatufukika, ena gea ko yagogonua de ko ihidatamunua de o kiarono done to ena ma dararono atatokoka. Ko hokogenangua yodiai, masara gea kiani yateruiye to ena ma ngioka la o nyawa abe yowohamino ka idadi to ena ma dararono yamake de yomahioriki.

Lukasa 8:15

“Masara utu yoihene ai Demo-demo de ona gea hoka o bibiti ipuraraha o tonaka ma rorahaiuku. Abe ona gea yodafongo Ma Jou ai Demo-demo de manga hininga ma rorahai de ma gou-goungu. De ona duru yomajojoika ai Demo-demoika manga hiningaka de yomatongohono genangoka ka hiadono yahihofoko de o hofoko ma rorahai manga wowangoka abe ma titi manga datoro ma totiai yotobadiai.” De hokogea o Yesusu ai ade-ade ma hitararono abe iwinii-niikika.

Hidingoto 26:18

la to ona manga hininga ma lako ka idadi ifelenga la ka idadi ihioriki ma gou-goungu. De abe ihiorikoka ma gou-goungu, gea imaketero hoka manga hininga ma fufutu yanoaka la o dararoninoli yoboa, angamoi gea yanoa o Ibilihi ma haeke ma kuaha la yomanoali Ma Jou ai kuaha ma goronaka. De ona gea ahao ka idadi manga howo-howonino aofioka. De gea yodadi Ma Jou ai kokawaaha la manga gogere duru imakadaene dika de to Una ai kokawaaha utu mata-mataika manga gogere. Abe ma hiowa gea mata-mata ahao idadi onangika ma titi abe ihingaku-ngakuoka Ngohino.’ De hokogea ahi Baluhu idodutu o Yesusu ai demo ngohino abe ma dihiraino.”

Himatoko 1:20

De naa tonihimatoko dika abe ma dogogono kangano ma titi ma murumu tumidi namake ahi giama ma nirakoka de ma posi ma liate enangoo tumidi abe o gurasino yodiai. De hokonaa ma dogogono gea ma titi. Abe ma posi ma liate tumidi, gea ena ma gareja ma doomu tumidi. De abe ma murumu enangoo tumidi, gea ma gareja tumidi homoi-homoi manga malaekata. Hokogea ma dogogono ma titi.”

Himatoko 11:4

De ona yahinooto gea abe ka ihikaika yomaokoino Ma Jou ai himangoka, de gea iwileleani Unangika abe Una gea o dunia mata-mataika ma Baluhu wokokurutiye. De ona yahinooto gea abe ma dodihiraino de yahiketero ona hoka o saitunu ma gota o utu hinooto eko hoka o posi ma liate hinooto.