Lukasa 7:45 - Ma Jou ai Demo-demo o Totobelohoka

⁴⁵ De ngona kangano ko nohibounua Ngohi la ani tabea nohihimatoko Ngohino, masara muna kanganohi abe toboaino de hiadono naa de ko motogu-togumua mabounu ahi louika.

Lukasa 7:45 ပူးပေါင်းရင်းမြစ်များ

Dodadi 29:11

De womibounu o ngo Rahelika de womihingahu wato, “Ngohi naa ani dutu adaene abe ngohi meme o ngo Ribeka, ani baba ngoi firanga.” Gea womihingahu ibooto de ahao duru woari de ai ilingi ma amokiye. Woari ibooto de o ngo Rahele momataiti moiki momapopaata ami babaika la mihingahu womatengo manga dutu naga o humuoka.

Dodadi 33:4

Ma, ka de gea wimake de o Esau duru womapopaata wibuhuku ai dodoto de wikooino de wibounu de ona o ria-dodoto yoari.

Matiusu 26:48

Masara ma dihira abe ko yoikuahi de o Yudasa wadotokokau onangika wato, “Nako haika de Una abe tibounu, de Una gea kiani niwitaoko.” Hokogea wadotoko o Yudasa.

Roma 16:16

De ngini o Roma ma kotaka, ma oraha nimatoomuino de ka idadi nimakobounu angamoi hokogea nia biaha nimahikamatoko ti ngini nia tabea o Kristusoka. De ka to ngohiua dika ahi tabea abe tohidingoto, masara ngaro o Kristusu ai gareja ma doomu mata-mataika ma onangoo ihidingoto manga tabea nginika.

1 Korintusu 16:20

De nanga gogianongoru mata-mata nenangoka o Efesusoka, onangoo ma manga tabea ihidingoto nginika. De ngini o Korintusoka, ma oraha nimatoomuino de ka idadi nimakobounu angamoi hokogea nia biaha nimahikamatoko ti ngini nia tabea o Kristusoka.

Efesusu 6:4

De abe ngini o ba-baba, ufa nia ngofa-ngofakika niao ko itiaiua hiadono ma titi nginioka de ona yotobangamo, ma koaho niapaliara onangika de o dodotoko de o hitiari abe gea ena imakiniiki de nanga Baluhu idodutu ai hininga ngoneino.

1 Tesalonika 5:26

De ma oraha ngini nimatoomuino de ka idadi nimakobounu angamoi hokogea nia biaha nimahikamatoko ti ngini nia tabea o Kristusoka.