Lukasa 7:44 - Ma Jou ai Demo-demo o Totobelohoka

⁴⁴ De ahao Una womihimanga ma ngofekaika masara witemo o Simonika wato, “Abeika nafikirohi to muna naa ami datoro kangano. Abe ma oraha towohama ani tauino naa de ngona ko nohihidoakua o akere Ngohino la ahi lou tomaihoro. Masara muna naa ami koongoino de mohipehaka ahi lou, de ami tadauru mapake la gea mohiehe.

Lukasa 7:44 ပူးပေါင်းရင်းမြစ်များ

Dodadi 18:4

De ahi duduhunu womatengo tiahokino de o akere la ka idadi nia lou waihoro, de ahao kiani nimahiainohi o gota ma fofongoka naa.

Dodadi 19:2

De watumungu onangika wato, “Ahi Baluhu, marai ma gurutoka de niaino ho tinidafongo duru de ahi hininga ma hohailoa. Ho o futu naa ka idadi nimahidodogumu ahi tauoka. Genangoka ka idadi nimaihoro de nimaidu de ahao itebini o ngoru-ngorumino ka idadi nigila-gila nia dodagioka.” Hokogea o Loti ai hininga wahingahu onangika. Masara o malaekata yahinooto gea yopaluhu ato, “Tarimakase hobata, ma ngaro ufa hokogea, ngomi marai mimaidu o loaka dika abe ma kota ma hidogoronaka.”

Dodadi 43:24

De ahao o Yusupu ai roria-dodoto gea wahigila-gila la yowohama to Yusupu ai tau ma goronaika de wohiaturu la o akere yadotaka onangika la ka idadi ona manga lou yomaihoro. De wohiaturoli la manga keledai yatofo.

2 Samuele 11:8

De ahao o Dautu woigo la ai howono watamunu ho wihigaro o Uriaika la wolio ai tauika de womaidu de ngoi fekata o ngo Baseba ho wihingahu unangika wato, “Ngona nolio dika o futu naa ani tauika la nomahiainohi.” Hokogea o Uria o Dautu wihigaro ho o koano ai tauoka wohupuoka de bootino dika de o Dautu ai hadia ma hidoaka wihidingoto o Uriaika.

Lukasa 7:38

Ho muna moboaino de momaokoino o Yesusu ai poretino de moari-ari. De to muna ami koongo irerouku to Una ai louuku hiadono yopehaka ai lou. De ahao muna gea mohiehe ai lou de ami tadauru, de mabounu ai louika, de mihituagi ai louuku de ma minya ma hohailoa gea.

Lukasa 7:43

De o Simono wopaluhu wato, “Nako ngohi, marai una abe to unangohi ai nagimi ilamoko aofioka, una gea ai dora hatoli ilamoko abe wahitobahibauika.” De o Yesusu wotemo wato, “Genangino de duru nagoungu ani demo.”

Yohanese 13:5

Gea ai handoko womahipakitoka ibooto de o akere waleino de wauhe o mokoluku de womulaenge waihoro ona iwitobaniiki manga lou de wohiehe de ai handoko abe womahipakitino gea.

1 Timotiusu 5:10

De kiani o nyawa imihayanga munangika ma titi ka ma dodihirainohi de ami wowango ma datoro irahai. Abe to muna ami ngofa-ngofaka mapaliara de madotoko itiai, de ami tauokaoo ngaro o homoa ma nyawa ma madafongo la yomahidodogumu munangoka. De nako ami gogianongoru o Yesusoka manga perelu naga, muna ka idadi momahitipokouku de maleleani onangika la mato maduhunu. De nako hiadono naga o nyawa yohuha eko yapanyakeuku, ma muna gea imimagawe maduhunu onangika. Ho kiani muna gea ka ihikaika ami wowango ma datoro ma hailoa ingodumu naga munangoka. De nako igoungu hokogea momatengo mofao ami wowango ma dihira, gea de ahao ka idadi ami romanga nitulihuku la muna ami tagongo de ami leleani naga o garejaka de hiadono mamake ami hewa ma balaha gea ami leleanioka de aino.

Yakobusu 2:6

Masara nako nginioli nia hininga gea duru imakohowono de to Una! Angamoi ngini naa niatobangelo-ngelo o huha ma nyawaika masara nako o nyawa abe de manga tiwioka gea ngini niahayanga onangika! De genangino ngohi duru tiniheranga, angamoi abeika hafikirohi. Sarakia, gea onagona abe inihikokangela nginika? De gea ko o huha ma nyawaua inihikokangela masara ona abe naga de manga tiwioka. De nagali abe ona de manga tiwioka initaokino de iniao o tobauru-urusu ma ngiika la o nyawa manga himangoka de initae ato bari ngini niahowonoka onangika.

1 Samuele 25:41

De manga demo o ngo Abi moihene de ahao muna momaponuku ma tonakuku de mapaluhu mato, “Ngohi naa hoka ti ngini nia duduhunu dika, ho ngohi ka tosanangi tininiiki la homakiniiki o Dautika. De genangoka marai ka idadi tileleani unangika abe to una ai duduhunu manga lou tatobaihoro.”