Lukasa 7:33 - Ma Jou ai Demo-demo o Totobelohoka

³³ “Angamoi nako o Yohanese to una ai hininga ma dumutu ko o rame-rameikaua ho una ko wokerua o angguru ma gohaka ma teongo de ma ngoe wopuaha dika ho ko wolo-olomua de ko wokerua. Masara ngini naa nia hiningaka niato ufa o Yohanese ai wowango hokogea ma koaho wogarago dika, de genangino nihititi la niwioluku unangika. De gea hiadono niwitae unangika niato, ‘Una gea iwikokitokata.’”

Lukasa 7:33 ပူးပေါင်းရင်းမြစ်များ

Matiusu 3:1

De ipahaino o Yesusu wolamokoka, de naga ma oraha gea o Yohanese Wotobaohi-ohiki womulaenge wahingahu-ngahu o nyawaika ma titi Ma Jou ai hingahu ma demoino. De gea wohingahu-ngahu o tonaka ma kakaahaka abe genangoka o nyawa ko yowoeua yogogere, abe ma tonaka gea imanoa o Yudea ma tonakoka. Masara naga o nyawa manga ngoe yoboa ma tonakika gea la iwitoihene unangika, ho una wahingahu onangika wato,

Matiusu 3:4

De to Yohanese ai baju gea o aewani o unta ma gogoino yodiai, de ai goronaino una womahidubuluino de gea o aewani ma kaiino. De to una ai inomo o kabotara de o ofungu ma gula.

Maruku 1:6

De o Yohanese ai pakeanga o unta ma gogoino de ai goronaino womahidabanino ka ma moi de ai baju, de ai ban o aewani ma kai. De una gea ai inomo o kabotara de o ofungu ma gula.

Lukasa 1:15

De una ahao ai wowango ma karajaangino de duru iwihisanangi nanga Baluhika ma titi wileleani irahai. De mangale ma titi wileleani Unangika ho una gea ko wadadiua waokere o angguru ma teongo ma gohaka eko o daluku angamoi ka womahidoboainohi de Ma Jou o Womaha iwilufungoka.”

Lukasa 7:32

Marai irahai tinihiketero ngini naa hoka o ngofa-ngofaka o doomu moi abe ona ko yasanangiua manga dodiawoika. De o ngofaka gea yogoo-gogeruku o paharoka la yogoo-gogule genangoka, masara yomaketeloliliara ona de manga dodiawo ho yahigurubungu onangika. De manga gurubungu ma demo ato, ‘Ngomi miato irahai hogoo-gogule hoka o nyawa o gogilaka ma rame-rameoka, ho mia sulingi miawuu-wuwu la homakutuono hohirame-rame de nanga hininga ma garago, masara ngini nia hininga ko igaragoua.’” “‘De ipahaino de ngomi miato irahai hogoo-gogule hoka o nyawa abe yomatoomuino ma titi manga dutu womatengo wohonengoka ho ngomi minyanyi nanga hininga ma huha ma nyanyianga abe hoka nanga biaha nako o nyawa yohonenge. Masara ti ngini nia hininga niato ufa homaaduru abe hoka nanga hininga ma huha masara koaho hogarago. Ho ngini duru ko niminiikua to ngomi naa mia hininga!’” De gea o Yesusu ai hiketero ibooto de ahao wogila-gila wahitararono onangika wato, “Hokogea o ngofaka o doomu moi gea manga liliara ma demo, de manga hininga gea tato imaketero abe hoka ti nginioli nia hininga abe nihioluku Ngohi naa de abe ngaro o Yohanese Wotobaohi-ohiki ma unangikaoo niwioluku.”

Lukasa 7:34

“De ahao Ngohioli toboa, abe Ngohi naa o Nyawa ma Ngofaka abe o Horogaka de tauku toboa masara o nyawaino tomaboa. De Ngohi toboaino de ahi datoro imakohowono de to Yohanese ai datoro, angamoi Ngohi tanii-niiki ti ngini nia rame-rameoka de Ngohioo tokere ma ngokere abe ti ngini nia biaha niatobaokere. Masara to Ngohioo ahi datoro ngini ko niodafongua, de hiadono genangino nihititi la nihitaere Ngohino! Abe nia dodaere ma demo Ngohino niato, ‘Abeika Una gea duru wolomo ilamokuku de iwitobadaluku! De ga Una hiadono wadodiawo o howo-howono ma nyawaika! Eii! Ngaro ona abe yotobagahoko o pajaka ma tiwi abe manga hininga duru itorou masara duru yomaketedodiawo ona de Una gea!’ Hokogea ti ngini nia dodaere Ngohino.” “Ho abeika nimafikirohi. Abe ngaro o Yohanese ai wowango la o rame-rame wadokaowara de ai hininga ma huha naga ma ngoe, masara ngini niwioluku unangika. De barikua Ngohioli abe ahi hininga hatoli igarago de tanii-niiki nia rame-rame, ma gea ngini ka nihiolukoo Ngohino, de ahi demo nginika ko niodafongua!”

Yohanese 10:20

Abe naga manga ngoe yotemo ato, “Ou, Una gea iwikitokata, abeika, iwitogohangoka ho ngaro ibootohi hihigihene.”

Yohanese 8:48

De ahao o Yahudi ma nyawa gea iwipaluholi o Yesusika ato, “Mode ko miagoungua minifetongo miato ngona o Samaria ma nyawa de miato inikitokata? Gea ngomioo miagoungu e?”

Yohanese 8:52

Ka de hokogea o Yesusu wotemo de o Yahudi ma nyawa iwipaluhu Unangika ato, “Gea ho itaana ngona naa inikitokata! Ani demo hokogea de minihiorikoka! O Abarahaama wohonengoka de Ma Jou ai uru ma dodofangoo yokokihonengoka. Ho mode sarakia hiadono ngona naa nomihingahu nato nako o nyawa inihigihene gea ko yohonengua?

Hidingoto 2:13

Masara naga utu manga hidogoronaka yamia-mia abe ona iwingaku-ngakuika ato, “Ona gea bote yadalukoka, de genangino ma titi hiadono manga demo o fara moi!”