Lukasa 6:34 - Ma Jou ai Demo-demo o Totobelohoka

³⁴ “De ufa niahibauohi o tiwi ka onangika dika abe ahao ka idadi yaturuuru de ihigilio ma tiwi gea nginika. Masara koaho niahibau onangikaoo abe ahao ko idadiua atagali nia tiwi nginika, la gea ahao ka idadi niamake nia utumu Ma Jouino. Angamoi ngaro o tobahowo-howono ma nyawa ma ka idadi yahibauohi o tiwi manga dodiawoika iti ona ihioriki abe ahao manga dodiawo gea atagali onangika.”

Lukasa 6:34 ပူးပေါင်းရင်းမြစ်များ

Matiusu 5:42

“De nako o nyawa yoboa nginino de naga moi yomagahoko, gea niahidoaka onangika. De nako utuoli yoboaino la ato yomabauohi ti ngini nia kiahonanga, gea niahibau onangika.” De hokogea o Yesusu ai dodotoko abe hokokia hohibalaha onangika abe yodiai itorou ngoneino.

Lukasa 6:33

“De nako ngini nidiai ma rorahai ka onangika dika abe ona gea iniao irahai nginika ho ko iwa nia datoro ma rorahai onangika abe iniao itorou, mode nihititi genangino la nimahigiriiri? Koua! Abe ngaro ona o tobahowo-howono ma nyawa ma ka idadi yomakao irahai ona de manga dodiawoika. Masara ngini kiani nia hininga imakiniiki hoka Ma Jouoli ai hininga abe o nyawa mata-mataika niao irahai!”

Lukasa 6:35

De o Yesusu ka wadotokohi onangika wato, “Masara Ngohi tinidotoko tato nikiani nia musu niadora onangika! De ma rorahai nidiai la onangika niahiowa! De nia tiwi niahibau onangika de ufa nimahinganono abe ahao atagali nginika! De nako nianiiki ahi demo gea, ahao nia utumu duru ma amoko niamake. De hongoli nako hokogea nia datoro, gea ahao nimahitaana abe ngini niagou-goungu Ma Jou Wokokurutiye ai ngofa-ngofaka. Angamoi gea de ahao ti ngini nia hininga imakiniiki de to Unangoli ai hininga ma dora abe ka ihikaika itagi o nyawaika abe ngaro ona ko ihiorikua yotarimakase de abe manga wowango itorou.