Lukasa 6:19 - Ma Jou ai Demo-demo o Totobelohoka

¹⁹ De o nyawa mata-mata gea manga hininga la ato iwiso Unangika, angamoi naga ai kuaha Unangoka de aino itagi o nyawaika la yahitogumu onangika. De ona mata-mata o Yesusu wahikokitogumoka.

Lukasa 6:19 ပူးပေါင်းရင်းမြစ်များ

Matiusu 14:36

De ona yopopanyake yaoinoka de duru yogaho-gahoko Unangika la iti ka idadi ai baju ma barenika yaso. De abe onagona dika ai bajuika yaso, ona gea manga popanyake ikokitogumoka.

Maruku 3:10

De igoungu ona ko manga ngoe abe de manga popanyakeoka yomahiefoto o Yesusika la ato iwiso Unangika angamoi ihiorikoka naga o nyawa ko manga ngoe wahitogumokau manga popanyakeino.

Maruku 5:30

Masara gea ka de ai baju maso de o Yesusu wamaoka de wohiorikoka abe naga ai kuaha itagioka ai badangoka de aika o nyawaika, de womadogilioro o nyawa manga hidogoronaka de woleha wato, “Onagona ahi baju yaso?”

Maruku 6:56

Ho o kiaika dika waika, ngaro o kapo-kapongika eko o kota-kotaika, eko ma ngi o kia-kiaka dika abe biaha o nyawa genangoka yomatoomuino, masara genangoka o nyawa yakokelengauku yopopanyake. De gea duru yogaho-gahoko Unangika la ato iti ka idadi ai baju ma barenika yomahisoika. De gea onagona dika ai bajuika yomahisoika, ona gea manga popanyake ikokitogumoka.

Maruku 8:22

De ipaha de o Yesusu de iwinii-niiki yomahiadonikaka o Besaida ma kapongika. De genangoka naga womatengo iwiaoino o Yesusino abe worafioka. Iwiaoino Unangino de ona duru yogahoko la ato o Yesusu wiso worafi-rafika la wihitogumu.

Lukasa 5:17

De o wange moiukuoli o Yesusu naga o tau ma goronaka wadotoko o nyawaika, de naga genangoka yamuruono naga o Farisi manga doomuino ma nyawa de ona abe yotobadoto-dotoko o Musa ai Paretaino. De manga hihira gea o kapo-kapongo de o kota ma getongo yoboaino la iwimake o Yesusu. Abe utu o Galilea ma tonaka ma kapo-kapongino yoboa, de utu o Yudea ma tonakoka de yaino, de naga utu abe yoboa o Yerusaleeme ma kotaka de yaino. De ma oraha gea de nanga Baluhu idodutu ai kuaha duru ma amoko imanoa o Yesusoka la ka idadi wahitogumu o nyawa abe manga popanyakeino.

Lukasa 6:18

De ona mata-mata yokokiboaino la ato yotoihene ai demoino de la wahitogumu manga popanyakeino. De naga yamuruono naga onangoka abe yakokitokata, de o Yesusu wakokiditoko ma tokata gea ho wahitogumoka.

Hidingoto 19:12

Abe hiadono o nyawa yaoino manga gahauku ma gegehe eko manga ngoere ma belaka moi la gea ena iwihiso o Paulusu ai badangino. De ma ngoere gea iwihiso ipahaino de ahao ka idadi yao manga dodiawoika abe yopopanyakeuku eko yakitokata de yagelenga manga badanguku. De gea ka de yagelengauku de yokokitogumoka manga kangelaino, de abe naga de manga tokatoka gea imatitokoka onangino!

1 Peturusu 2:9

Masara nako ngini hokogenangua. Angamoi ngini naa nidadioka to Una ma hirete ai nyawa duru ma hohailoa. De nidadioo o hidemo ma nyawa abe niwitobaleleani nanga Koano Ma Jouika. De ngini o doomu moi abe nitebi-tebini angamoi Una womadingakino ngini la nidadi to Una ai nyawa. De gea ngini nidadioka to Una ai nyawa la Ma Jou ai hininga ma datoro ma hohailoa ngini niahingahu-ngahu o nyawaika. De ngini duru nihiorikoka ai datoro ma hohailoa gea, angamoi Una nengokadauino de winihihupuoka o fufutu ma kuahaka de aino de winihigogeroli to Una ai dararonoka abe duru ihohailoaholi. Ho to Una ai datoro gea abe ngini kiani niahingahu-ngahu o nyawa-nyawaika.