Lukasa 6:12 - Ma Jou ai Demo-demo o Totobelohoka

¹² De ipahainoli de o Yesusu woiki wodoa o loku moiiye la dakenangoka womaniata. De Una ka iwihidetebiniye abe ko wotogu-togumua womaniata Ma Jouiye.

Lukasa 6:12 ပူးပေါင်းရင်းမြစ်များ

Higiriiri 22:2

Ahi Jou to ngohi ahi huha duru ihilufungokaholi, Hiadono o duduhunu togari o wangeoka de ka hiadono ihidufutuku, Masara ahi gogahoko hokogea de Ngona ko nohipaluhua, Ngona ahi gari ma ilingi noihene masara ahi huha ko ihailuahi.

Matiusu 5:1

De o Yesusu wamake o nyawa duru ko manga ngoe gea abe yoboaka Unangino ma ngioka gea, ho Una wodoaiye ma hohutulu o loku ma geleforoka de genangoka wogogeruku. De ona abe iwinii-niiki yomatoomuino Unangoka.

Matiusu 6:6

“Masara abe ngini naa ma oraha nimaniata Unangiye, koaho ngini nimatingaka o nyawa utuino la ngini ka nimatengoka dika de o nyawa utu ko inimakeua. De genangoka ahao nimaniata ti ngini nia Babaiye. De ngaro ngini nimagogonoka la ufa o nyawa inimake masara Unangoka ko iwa o dogogono angamoi Una mata-mataika wamake. Ho Una gea ahao winimake ma oraha nimaniata de ahao wabalaha nginika ma titi nia niniatino gea.”

Maruku 1:35

De ma dawangeino abe ngade-ngade itebini ma ka ifufutuohi de o Yesusu womomiki de wohupu o tauino de woiki o tonaka ma kakaahaika abe ko iwa o nyawa genangoka la womaniata Ma Jouiye.

Maruku 3:13

De ma oraha gea o Yesusu wodoa daku o lokuiye. De gea wodoaiye de ko womatengoua, angamoi Una wahokino manga ngoe abe womaputuhoka wato ona gea iwiniiki dakuiye. Ho ona yomahiadoniyeoka de genangoka yomatoomuino o doomu moi.

Maruku 6:46

De ona ato, “Iya, marai ngomi milio.” Gea ipaha de ahao woiki o lokuiye wodoa la wato womaniatohi.

Lukasa 5:16

Masara o Yesusu ma ngoe womatingaka o nyawaka de aino o tonaka ma kakaahaika la ka idadi womatengoka dika womaniata genangoka.

Lukasa 6:11

De abe iwilawa-lawana o Yesusika ona yamake ai datoro gea de manga hiningaka duru ifaeiye manga ngamo Unangika. Ho ona gea yomakoketemo abe hokokia ma ngekomo irahai la ka idadi o Yesusu iwitaoko.

Lukasa 6:17

De wairiki ibooto de ona yomakutuono youti ma geleforino ka hiadono o tonaka ma dolauku yomahiadonoka abe duru itiaiika ma tonaka genangoka. De naga Unangoka ona abe iwinii-niiki de o nyawa utu yowoe-woeoka. Abe naga o Yudea ma kapo-kapongino mata-mata yoboaino, de nagali o Yerusaleeme ma kotaino, de utuoli dai o gahi ma ngigoroka de yaiha yoboa abe ona gea o Tirusu de o Sidono ma kotaka ma nyawa.

Lukasa 9:18

De o wange moiukuoli de o Yesusu naga womaniata de abe iwitobanii-niiki ka ona dika naga Unangoka. De ahao Una waleha onangika wato, “Abe ngini niihene o nyawa yowoe-woeino, ona gea yafikiri ato Ngohi naa onaguna?”

Lukasa 9:28

De o Yesusu wahingahu gea mata-mata onangika de ahao ngade-ngade o wange tufange ipahaika de o Yesusu wodoa o lokuiye la womaniata dakenangoka. De Una wahoko o Peturusu de o Yakobusu de o Yohanese la ona yomakiniiki yodoa daku o lokuiye.

Lukasa 9:29

De o Yesusu womaniata ai gogiriaka de ka itodokanino ai himanga imaturuuruoka ho idadi o fara moioli, de ai pakeanga gea idadi duru iarehoka hiadono hoiletongo.

Yohanese 6:3

De o Yesusu de iwitobaniiki yangimoi de yahinooto ahao yaika yodoa o lokuiye de ahao o loku ma geleforino yogogeruku.

Kolose 4:2

De naa ka tinihibehehongohi ngini mata-mataika. Kiani ka ihikaika nimaniata de ufa o niniatino nimahipidili. De abe ma oraha nimaniata, kiani ka ihikaika niwangoro de kiani nagaoo nia tarimakase Unangika.

Ibarani 5:7

De nako ma dihiraino ma oraha o Yesusu nagahi o dunia ma lokuokahi de Una naga de ai roehokahi abe imaketero hoka ngoneoli, de ma oraha gea Una duru womaniata de o duduhunu womatobagahoko ai Babaiye, abe womaniata de ai ilingi ma amokiye de nagali ai koongo itifa. De abe womagahoko o duduhunu ai Babaiye de gea ai Baba tanu ka idadi widuhunu la ngaro ufa dika de ai Ngofaka wohonenge. De mangale ma titi o Yesusu womahitipokouku de wihoromati ai Babaika, ho ai Baba wigihene de wopaluhu ai niniata ma demoika de widuhunu Unangika.

1 Samuele 15:11

“Ngohi naa duru tomatoduba o Saulu ma dihira tihidadioka o koano angamoi una ko waniikokaua to Ngohi ahi behehongo unangika abe naa ma moioli woluku wohihingounu Ngohino.” Ka de hokogea o Samuele woihene de ai hininga duru ihuhaholi hiadono o futu moiino de ai hininga ma huha o Saulu wigahoko Ma Jou o Yaweika.