Lukasa 6:11 - Ma Jou ai Demo-demo o Totobelohoka

¹¹ De abe iwilawa-lawana o Yesusika ona yamake ai datoro gea de manga hiningaka duru ifaeiye manga ngamo Unangika. Ho ona gea yomakoketemo abe hokokia ma ngekomo irahai la ka idadi o Yesusu iwitaoko.

Lukasa 6:11 ပူးပေါင်းရင်းမြစ်များ

Matiusu 16:7

De ai demo gea yoihene ma ona ko ihiorikua ho yomakoketemo ato, “Bote ai demo gea ma titi ma roti abe ko homagaoua.”

Matiusu 21:45

De o Yesusu wotemo ibooto de o Yahudi ma nyawa manga hidemo Ma Jouiye yokokurutiye de o Farisi manga doomuino ma nyawa ona gea duru yomahiorikoka abe o Yesusu ai hiketero ma dumutu onangika abe tanu wahiketero ona o Yahudi ma nyawa manga hohidimono, abe ona hoka o nyawa gea yotobagoa-goana o angguru ma redi, de abe ona gea iwioluku Unangika.

Lukasa 4:28

De ona mata-mata o dodotoko ma tauoka ka de yoihene to Una ai demo gea de duru iwingamo angamoi Una wofetongo ma titi Ma Jou ai duduhunu abe itagi onangika abe ko o Yahudi ma nyawaikaua.

Lukasa 6:10

De wotemo ipaha de womalega ona homoi-homoiika. De ahao witemo unangika gea wato, “Nagorakiye ani giama ihelu-heluku.” De ai giama wagorakiye de itogumoka ho idadi imakadaene abe hoka ai giama ma honongali.

Lukasa 6:12

De ipahainoli de o Yesusu woiki wodoa o loku moiiye la dakenangoka womaniata. De Una ka iwihidetebiniye abe ko wotogu-togumua womaniata Ma Jouiye.

Yohanese 11:47

Ho o Farisi ma nyawa yoihene manga ade-ade gea de ahao manga hidemo ma nyawa Ma Jouiye manga hohidimono yomakahoko la yomatoomuino ato yomahikaaturu. Ho gea yomatoomuinoka de yomakokeleha ato, “O kia ahao hodiai? O nauru gea ka ihikaika wodiai o heheranga ma ngoe ho nako hinoaika dika ahao o nyawa mata-mata ka iwingaku. De nako idadi hokogea o Roma ma nyawa ahao yoboaino de to ngone nanga ngi ma debi-debini naa akilianga de nanga tonaka inaora. Ho naa sarakia hodiai o Yesusika?”

Yohanese 7:1

De ipahaino o Yesusu waika waino o kapo-kapongika abe o Galilea ma tonakoka dika angamoi naga o Yahudi ma nyawa manga balu-baluhu o Yudea ma tonakoka iwihidee ato iwitoma. Ho ngaro ma dihira wotagi-tagi o kapo-kapongika o Yudea ma tonakoka ma naa ko woikuahi genangika.

Hidingoto 26:11

De ma ngoe idadi abe mia dodotoko ma tau-tauoka de tahuloko o nyawa la yahipoha-poha de o migi onangika abe iwingaku-ngakuoka, angamoi ngohi toigo la yapoha-poha hiadono ona gea iwingelo manga Baluhika. De ahi ngamo duru ilamoko onangika hiadono ko mia tonakokaua dika abe tahitobahikangela, masara ngohi totagi-tagi o tonaka utuikali la onagona dika manga doomuino abe yomanoa o homoa ma kota-kotaka, onangoo talingiri la ka idadi tahikokangela onangika.”

Hidingoto 4:15

De ahao ma hihira gea yahuloko o Peturusu de o Yohanese ato, “Ngini niminoaikahi jai-jai la ka ngomi dika mimakoketemo.” Ho ona yahinooto yohupuohi manga doomu ma ngioka de aino.

Hidingoto 4:19

Masara o Peturusu de o Yohanese ona yopaluhu ato, “Abeika ngini ma hirete nimafikiri de nimaleha ma titi nia huhuloko ma demoino gea. Bote Ma Jou ai mau la ngomi naa mininiiki ti ngini nia demo ekola koaho wiwihigihene to Una dika ai demo ngomino? Nako ngini niataoko sarakia?

Hidingoto 5:33

De manga demo gea ma hihira ma doomu yoihene de duru yongamo hiadono yomaputuhu ato kiani yahohonenge o hidingoto ma nyawaika.

Hidingoto 7:54

De o Yahudi ma nyawa manga hohihira duru manga hininga ihidafaeiye de manga ngamo abe o Setefanusu ai dodaere ma demo onangika. De ona manga ingiri duru ihidokagoli abe ma titi yomahimatoko abe manga ngamo duru ilamoko.

2 Timotiusu 3:9

Masara ona gea abe ma gou-goungika yalawana, ona gea ko yometedekanuahi de manga hidee iwederoka, angamoi o nyawa yowoe-woe duru itararono yamake abe ona yatobadotoko manga bodo. Ho gea ma titi manga bodo hiadono ngohi tato ahao ani dodiawo genangoka ko yahigihenokaua ona yatobadoto-dotokika gea, de gea ona duru yomaketero hoka ma dodihiraka o Yanese de o Yamberesika onangika gea o nyawa ko yahigihenokaua.