Lukasa 5:8 - Ma Jou ai Demo-demo o Totobelohoka

^8-10 De ahao ma oraha o Simono Peturusu wamake abe hokokia idadi de una watilabukuku o Yesusu ai louoka la wihoromati Unangika, angamoi duru woherangaholi ma titi o nawoko kohangoe gea ihidotadaenoka. De ai dodiawo abe yomahingotiri moi onangoo duru yoheranga ma titi abe idadioka onangoka. De hokogenangoo o Simono ai dodiawo abe o ngotiri moiokali onangoo duru yoheranga. Abe ona gea yomahikarajaanga moi de o Simono, de to ona manga romanga o Yakobusu de o Yohanese, abe ona o Sebedeusu ai ngofaka. De mangale ma titi o Simono duru wihoromati o Yesusika ho una witemo wato, “Ahi Baluhu, koaho Ngona nohinoaika dika angamoi ngohi naga de ahi howonoka ho ko itiaiua la ngone naa homarihimangino.” De o Yesusu wipaluhu unangika wato, “Ufa nohuha ani hiningaka! Angamoi naangoka de imahikaika de Ngohi tonihidadi la ngona notobahoma-homa o nyawa!”

Lukasa 5:8 ပူးပေါင်းရင်းမြစ်များ

2 Samuele 6:9

De ma oraha gea o Dautu ai modongo itagi Ma Jou o Yaweika. De una womatemo wato, “Ho done sarakia abe Ma Jou o Yawe ai Behehongo ma Peti ka idadi tao ahi kotaika?”

1 Kokoano 17:18

De muna duru mohuha ho mileha o Eliaika de ami huha ma demo, mato, “Abeika ngona naa Ma Jou ai uru ma dodofanga ho done hokonaa abe ngona noboaino la nohihidumutu abe ngohi ahi howono de hiadono nato ahi ngofaka naa nihohonenge, eko sarakia?” Hokogea ngoi meme motemo.

Huhupu 20:19

De ona yogahoko o Musaika ato, “Musa, kiani ngona dika nomitemo ngomino de minitotoihene. Masara ufa nihigunoa la Ma Jou womitemo ngomino done mihonenge.”

Yesaya 6:5

De gea mata-mata tamake de toihene de ahao totemo tato, “Adoo, ngohi naa tokangelaka, de maraioka ihibinaahaka naa! Angamoi ngohi naa o tobahowono ma nyawa. Ahi uru ipeseke dika ma titi ahi demoino de totobahowono. De ngaro ahi gogianongoru ahi tonakoka ma onangoo manga uru ka ipeseke dika ma titi manga howo-howono. De ma oraha naa timakeoka de ahi lako hinooto nanga Koano, Ma Jou o Yawe abe Una wahipareta o Horogaka ma tentara mata-mataika. Ho igoungu ngohi naa tokangelaka!”

Matiusu 17:6

De o ilingi gea iwinii-niiki yaruange yoihene de duru yohawana hiadono yomamotu-motumuku dau ma tonakuku.

Matiusu 2:11

Ho ona yoboa o tauino abe genangoka o Yusupu de o ngo Maria yogogere de ka yogila-gila yowohama o tau ma goronaika gea. De o tau ma goronaka iwimake o ngofaka gea de to Una ngoi meme o ngo Maria. Ka de iwimake o Yesusu de yatilabukuku ai himangoka hiadono manga pea itikiuku la yomahuba Unangika. De naga onangoka to ona manga hidoaka abe duru ihali, ho manga hidoaka ma hohailoa gea ihihupu ma ngi-ngiino de iwihidoaka o Yesusika. De gea manga hidoaka o gurasi ma dutu, de o manyanyi, de o muuru abe ma bounu duru ma hohailoa.

Matiusu 8:8

Masara ma tentara manga haeke wotemo wato, “Masara ahi Baluhu, Ngona duru nokokurutiye de ngohi naa ahi gogere ko imakadaenua de to Ngona, ho koaho ufa Ngona noboa de nowohama ahi tau ma goronaika angamoi ka nokurutiyeholi. Masara koaho nenangoka dika de nohuloko ma panyakeika de duru tohioriki de tonganono abe ahi duduhunu doka wotogumoka.

Lukasa 5:7

Ho ona yagawi-gawi manga dodiawoika la ma ngotiri moioli ihiboaoko de yaduhunu. De yoboaoko de manga homa ihidogorakiye de ma ngotiri hinooto gea duru aomanga de o nawoko hiadono ngade-ngade iwooro.

Yohanese 11:32

De o ngo Maria momahiadonoka o Yesusika de matilabukuku ai louoka de motemo mato, “Ahi Baluhu, nako Ngona naga nenangoka tanu ahi iranga ko wohonengua.”

1 Korintusu 13:12

Abe ma oraha naa nanga hiningaka ikurangohi itararono hataoko to Una ai hininga, gea ngade-ngade imaketero hoka ngone holegaika o kahinaaika, masara ma kahinaa hoka ikafoka de ko ingodumua hamake nanga gurumini. Hokogenangoo de ma oraha naa abe ngone hamake Ma Jou ai hininga ma ko ingodumuahi. Masara ahao ma oraha gea ko hokogenangokaua. Angamoi genangoka de ahao duru himake itararono Ma Jou, abe gea imaketero hoka homarihimanga ngone de Una, de duru ko iwaka abe ikuranga itararono ngoneino. Ho ma oraha naa naga ahi tobahioriki igoungu ka ma dobikohi dika, masara genangoka de ahao ahi tobahioriki duru ingodumoka, abe imaketero hoka Ma Jou ai tobahioriki ngohino duru ingodu-ngodumoka. De mangale ma titi ahi tobahioriki ahao gea de duru ingodumoka, ho ma hiakunu gea ko topereluokaua.

Himatoko 1:17

De ngohi ka de timake de tomamotumukuoka to Una ai louoka de gea hoka ngohi tohonengoka. Masara gea Una wohituku de ai giama ma niraka ngohiuku de wotemo wato, “Ufa nohimodongo! Ngohi naa abe ko kia-kiauahi idadi de Ngohi nagau, de Ngohi duru ko iwa ahi bobaha.

Hihira 13:22

De o Manoa wopoaka de ai hawana wato, “Ngone bootino dika de hohonengoka! Angamoi hokogea ma hohowono o nyawaika nako ona iwimake Ma Jou.”

1 Samuele 6:20

De ona o Bete-Semese ma nyawa naga yomakokeleha ato, “Onagona yapoa yomaokoino Ma Jou o Yawe ai himangoka abe Una Ma Jou duru wotebi-tebini?” De yomodongo Ma Jou ai Petika hiadono yomulaenge yomakokeleha ato, “O kiaikali ka idadi Ma Jou ai Peti hohidingoto?”