Lukasa 5:36 - Ma Jou ai Demo-demo o Totobelohoka

³⁶ De ahao o Yesusu wohigila-gilahi ai demo angamoi woigo la ona ihioriki abe ma titi ko idadiua o Yahudi ma nyawa manga hirahi ma dodotoko ihikasapuru de to Unangoli ai dodotoko ma hungi. De gea Una wodiai o hiketero moioli wato, “Nako naga nanga baju ma dekanino biaha hapake-pake de ikakihoka ho hato hatapa, ngone ko hokakihua nanga baju ma hungino de hohiduguriti nanga baju ma hiraika. Duru hokogenangua! Angamoi nako hodiai hokogea, ahao nanga baju ma hungi gea enangoo ikakihoka ho ko irahaiokaua. De hongoli ma dadapa ko imakiniikua de ma baju gea ho ko irahaiua hamake.”

Lukasa 5:36 ပူးပေါင်းရင်းမြစ်များ

Lukasa 5:35

Masara ahao naga ma oraha abe ai dodiawoino iwiaoka woila-ilaka gea, de gea ma oraha ahao manga hininga ihuha de yopuaha ho ko yolomuahi o inomo. De hokogenangoo to Ngohi ahi nyawa abe ihinii-niiki. Mangale ma titi abe Ngohi nagahi onangoka ho hiadono ngarouahi de ona yopuaha.”

Lukasa 5:37

De ma moioli o Yesusu wohiketero wato, “Nako ngoneoka naga o angguru ma teongo ka ma hungiohi, ko idadiua hoguheuku o popoje ma dekanoka, done ahao ma teongo ihaga de ma popoje ma dekana ipotoka, de gea ahao ma teongo ikopoaka de ma popojeoo irusakoka.

2 Korintusu 6:16

De done sarakia Ma Jou ai Tau de o popangao ma tau imakiniiki? Duru imakohowono! De abeika ma titi ena gea homafikirohi, angamoi ngone naa homaketero abe hoka Ma Jou ai Tau abe Una gea duru wotobawango ka hiado-adonika. Abe Ma Jou Una ma hirete ma dodihiraino de wotemo wato, “Ngohi ahao tomanoa onangoka de totagi-tagi to ona manga hidogoronaka. De Ngohi todadi to ona manga Jou ho ona to Ngohi ahi nyawa.”